Letaś u Smarhonskim rajonie pjany kiroŭca źniščyŭ prydarožnuju kaplicu XIX stahodździa, jakaja mieła status historyka-kulturnaj kaštoŭnaści. Mužčynu pazbavili pravoŭ i dali bujny štraf za parušeńnie praviłaŭ darožnaha ruchu. A voś štraf za źniščeńnie pomnika architektury akazaŭsia prosta śmiešnym.
Zdareńnie adbyłosia jašče ŭ kastryčniku 2025 hoda ŭ vioscy Rasła. Jak paviedamlała tady DAI, kiroŭca Audi nie spraviŭsia z kiravańniem. Paźniej u sacyjalnych sietkach źjavilisia nieaficyjnyja padrabiaznaści ad miascovych žycharoŭ. Pavodle ich słoŭ, 25‑hadovy mocna pjany mužčyna śpiašaŭsia ŭ škołu, kab zabrać dzicia.
Na darozie pad koły raptoŭna vybiehli husi, i, sprabujučy paźbiehnuć sutyknieńnia, kiroŭca nakiravaŭ mašynu prosta ŭ cahlanuju kaplicu XIX stahodździa, jakuju ŭ 2019 hodzie ŭklučyli ŭ Dziaržaŭny śpis historyka-kulturnych kaštoŭnaściej. Udar byŭ takoj siły, što i aŭtamabil, i histaryčnaja pabudova byli faktyčna źniščanyja. Sam kiroŭca, na dziva, surjozna nie paciarpieŭ.
Jak paviedamili ŭ prakuratury Hrodzienskaj vobłaści, kiroŭcu pryciahnuli da adkaznaści dvojčy, pa dvuch asobnych pracesach.
Pieršy — za parušeńnie praviłaŭ darožnaha ruchu i kiravańnie ŭ niećviarozym stanie. Tut pakarańnie akazałasia surovym: štraf u pamiery 8400 rubloŭ i pazbaŭleńnie prava kiravańnia transpartnymi srodkami na piać hadoŭ.
Ale dalej pačynajecca samaje cikavaje. Pakolki źniščany abjekt mieŭ status pomnika architektury, prakuratura Smarhonskaha rajona inicyjavała asobny administracyjny praces pa artykule 20.3 KaAP (Źniščeńnie, paškodžańnie abo strata historyka-kulturnych kaštoŭnaściaŭ ci kulturnych kaštoŭnaściaŭ, jakim moža być nadadzieny status historyka-kulturnaj kaštoŭnaści).
I pa vynikach jaho razhladu rajonnaja administracyjnaja kamisija nakłała na mužčynu jašče adzin štraf. U pamiery 270 rubloŭ.
Cikava, što kali ŭ tym ža Smarhonskim rajonie ŭ 2021 hodzie adbyŭsia anałahičny vypadak i pjany kiroŭca tolki paškodziŭ kaplicu XIX stahodździa, pavodle zaklučeńnia «Biełrestaŭracyi», pamier škody skłaŭ zvyš 10 tysiač rubloŭ.
Kiroŭca byŭ pjany ŭ chłam i śpiašaŭsia ŭ škołu. Padrabiaznaści DTZ u Smarhonskim rajonie, dzie aŭtamabil źniščyŭ staradaŭniuju kaplicu
U Smarhonskim rajonie «Aŭdzi» ŭščent razburyła histaryčny pomnik
U Pružanach sa stralaninaj zatrymlivali kiroŭcu biez pravoŭ
Pad Mahilovam pjany mužčyna napaŭ u kramie z nažom na padletkaŭ
Ciapier čytajuć
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»77
Kamientary