Летась у Смаргонскім раёне п'яны кіроўца знішчыў прыдарожную капліцу ХІХ стагоддзя, якая мела статус гісторыка-культурнай каштоўнасці. Мужчыну пазбавілі правоў і далі буйны штраф за парушэнне правілаў дарожнага руху. А вось штраф за знішчэнне помніка архітэктуры аказаўся проста смешным.
Здарэнне адбылося яшчэ ў кастрычніку 2025 года ў вёсцы Расла. Як паведамляла тады ДАІ, кіроўца Audi не справіўся з кіраваннем. Пазней у сацыяльных сетках з'явіліся неафіцыйныя падрабязнасці ад мясцовых жыхароў. Паводле іх слоў, 25‑гадовы моцна п'яны мужчына спяшаўся ў школу, каб забраць дзіця.
На дарозе пад колы раптоўна выбеглі гусі, і, спрабуючы пазбегнуць сутыкнення, кіроўца накіраваў машыну проста ў цагляную капліцу ХІХ стагоддзя, якую ў 2019 годзе ўключылі ў Дзяржаўны спіс гісторыка-культурных каштоўнасцей. Удар быў такой сілы, што і аўтамабіль, і гістарычная пабудова былі фактычна знішчаныя. Сам кіроўца, на дзіва, сур'ёзна не пацярпеў.
Як паведамілі ў пракуратуры Гродзенскай вобласці, кіроўцу прыцягнулі да адказнасці двойчы, па двух асобных працэсах.
Першы — за парушэнне правілаў дарожнага руху і кіраванне ў нецвярозым стане. Тут пакаранне аказалася суровым: штраф у памеры 8400 рублёў і пазбаўленне права кіравання транспартнымі сродкамі на пяць гадоў.
Але далей пачынаецца самае цікавае. Паколькі знішчаны аб'ект меў статус помніка архітэктуры, пракуратура Смаргонскага раёна ініцыявала асобны адміністрацыйны працэс па артыкуле 20.3 КаАП (Знішчэнне, пашкоджанне або страта гісторыка-культурных каштоўнасцяў ці культурных каштоўнасцяў, якім можа быць нададзены статус гісторыка-культурнай каштоўнасці).
І па выніках яго разгляду раённая адміністрацыйная камісія наклала на мужчыну яшчэ адзін штраф. У памеры 270 рублёў.
Цікава, што калі ў тым жа Смаргонскім раёне ў 2021 годзе адбыўся аналагічны выпадак і п'яны кіроўца толькі пашкодзіў капліцу ХІХ стагоддзя, паводле заключэння «Белрэстаўрацыі», памер шкоды склаў звыш 10 тысяч рублёў.
Кіроўца быў п'яны ў хлам і спяшаўся ў школу. Падрабязнасці ДТЗ у Смаргонскім раёне, дзе аўтамабіль знішчыў старадаўнюю капліцу
У Смаргонскім раёне «Аўдзі» ўшчэнт разбурыла гістарычны помнік
У Пружанах са стралянінай затрымлівалі кіроўцу без правоў
Пад Магілёвам п'яны мужчына напаў у краме з нажом на падлеткаў
Цяпер чытаюць
Магчыма, узламалі «Белдзяржстрах» — дадзеныя мільёнаў беларусаў пад пагрозай1
Магчыма, узламалі «Белдзяржстрах» — дадзеныя мільёнаў беларусаў пад пагрозай
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі33
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі3
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары