Karystalniki TikTok čarhovy raz urazili kamientataraŭ.
Volha raskazała, što na vialikich vychadnych sabrała na bałotach Viciebščyny niekalki poŭnych viodraŭ žuravin. Ale pavieryli ŭ heta nie ŭsie: mnohija ździvilisia, jak takoje mahčyma, bo ŭ krasaviku žuraviny jašče navat nie pačynajuć ćviści, piša Onliner.by.
Žurnalisty vyrašyli źviarnucca ŭ Centralny bataničny sad Nacyjanalnaj akademii navuk pa kamientaryi śpiecyjalistaŭ. Akazałasia, źbirać žuraviny viasnoj — daŭniaja tradycyja.
— Žuraviny zaŭsiody źbirali viasnoj. Ale, viadoma, nie śviežyja, a tyja, što zastalisia ź minułaha siezona. Toje, što nie paskloŭvali ptuški i nie źjeli źviary. Heta byŭ adzin sa sposabaŭ atrymać vitaminy ŭ hety pieryjad.
Žuraviny dobra zachoŭvajucca, kali šmat śniehu. Inakš da ich lohka dabracca ptuškam i hryzunam — naprykład, myšy vyłuzvajuć nasieńnie. U cełym dla mnohich žyvioł jana słužyć charčavańniem. Ale hetaj zimoj śniehu było šmat, tamu i tak šmat jahad «pierazimavała».
Maroz upłyvaje na jakaść jahad. Vosieńniu jahada kisłaja i ćviordaja, pry adtavańni jana nalivajecca sokam, stanovicca vadkaj znutry. Viadoma, bijachimičny skład jahady mianiajecca, kisłoty razburajucca, jana stanovicca saładziejšaj. Ale, tym nie mienš, karyść usio roŭna zastajecca, — raskazała žurnalistam viadučy navukovy supracoŭnik Taćciana Kurłovič.
Kamientary