Pieršaja čarha kalcavoj linii minskaha mietrapalitena dojdzie tolki da Viaśnianki
Zamiest abiacanaha doŭhaha ŭčastka da vulicy Charkaŭskaj, ź pierasadkaj na «Puškinskaj», pieršaja čarha abmiažujecca ŭsiaho tryma stancyjami.
Pavodle apošnich zajaŭ dyrektara «Minskmietraprajekta» Michaiła Rudźko, jakija pryvodzić ahienctva «Minsk-Naviny», prajektavańnie čaćviortaj kalcavoj linii płanujecca zaviaršyć u 2028 hodzie, adnak praces jaje ŭźviadzieńnia ŭžo padzieleny na dakładnyja čerhi i etapy.
Hałoŭnaja navina palahaje ŭ tym, što pieršy puskavy kompleks budzie ŭklučać usiaho try stancyi na ŭčastku ad vulicy Maksima Bahdanoviča da vulicy Cimirazieva. Faktyčna heta aznačaje, što z płoščy Banhałor pasažyry zmohuć dajechać tolki da mikrarajona Viaśnianka.
Jašče miesiac tamu havorka išła pra toje, što pieršy ŭčastak kalcavoj linii pojdzie ad Banhałor ažno da vulicy Charkaŭskaj ź pierasadkaj na «Puškinskaj».
Z ulikam usich raniejšych źmienaŭ, pieršy ŭčastak budzie vyhladać nastupnym čynam: «Maksima Bahdanoviča» — «Staravilenski šlach» — «Viaśnianka».
Na pieršym etapie atrymlivajecca biessensoŭny z transpartnaha punktu hledžańnia mietraapiendyks: pieršaja čarha kalcavoj linii pierasiakaje praśpiekt Pieramožcaŭ i ciahniecca da stancyi «Park Družby narodaŭ», kancavoj stancyi treciaj linii, ad jakoj treciaja linija idzie faktyčna ŭ advarotnym kirunku, iznoŭ pierasiakajučy praśpiekt Pieramožcaŭ.
Častka prajektnych prac pa vynasie inžyniernych sietak na hetym karotkim adrezku pavinna skončycca ŭžo ŭ 2026 hodzie, paśla čaho pačniecca asnoŭny etap budaŭnictva.
Za apošnija miesiacy heta ŭžo nie pieršaje vialikaje źmianieńnie ŭ płanach budaŭnictva čaćviortaj linii. Nahadajem, što pjeršapačatkovy prajekt kalcavoj linii praduhledžvaŭ 17 stancyj, ale ŭ studzieni 2026 hoda stała viadoma, što lik skaraciŭsia da 15 — z płanaŭ źnikli «Kijeŭski skvier» i «Politechničnaja». U krasaviku źjaviłasia novaja schiema kalcavoj linii, ź jakoj vynikaje, što jaje ŭschodniuju častku ŭvohule vyrašyli adciahnuć dalej ad centra ŭ pramysłovuju zonu Dražni, bližej da budučaha mieharajona Zialony Bor.
«Naša Niva» — bastyjon biełaruščyny
Ciapier čytajuć
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina26
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1818
Kamientary