AAE paskorać budaŭnictva novaha naftapravoda ŭ abychod Armuzskaha praliva
Abjadnanyja Arabskija Emiraty paskorać budaŭnictva novaha naftapravoda, jaki dazvolić pavialičyć ekspart nafty ŭ abychod Armuzskaha praliva. Čakajecca, što prajekt pačnie pracavać užo ŭ 2027 hodzie, piša Reuters.
Adpaviednaje daručeńnie dziaržaŭnaj naftavaj kampanii ADNOC daŭ naśledny prync emirata Abu-Dabi Chalid bin Machamied Al Nachajan. Novy trubapravod «Zachad — Uschod» ciapier znachodzicca na etapie budaŭnictva.
Prajekt pavinien stać dadatkovaj alternatyvaj Armuzskamu pralivu, jaki Iran faktyčna zabłakavaŭ paśla pačatku amierykanska-izrailskich udaraŭ u kancy lutaha hetaha hoda. Praz hety praliŭ prachodzić značnaja častka suśvietnych pastavak nafty.
Ciapier u AAE ŭžo pracuje naftapravod Chabšan — Fudžejra, jaki moža pierapampoŭvać da 1,8 miljona baralaŭ nafty ŭ sutki. Jon dazvalaje ekspartavać naftu praz uźbiarežža Amanskaha zaliva, nie vykarystoŭvajučy Armuzski praliŭ.
Saudaŭskaja Aravija taksama maje ŭłasny maršrut u abychod praliva — trubapravod «Uschod — Zachad», pabudavany jašče ŭ 1980‑ia hady padčas irana-irakskaj vajny. Praź jaho štodnia transpartujecca kala 7 miljonaŭ baralaŭ nafty, i ŭłady krainy razhladajuć mahčymaść pašyreńnia mahutnaściaŭ.
Zakryćcio Armuzskaha praliva asabliva baluča adbivajecca na takich krainach Piersidskaha zaliva, jak Kuviejt, Irak, Katar i Bachrejn, jakija mocna zaležać ad hetaha marskoha šlachu dla ekspartu nafty.
Były ministr kultury Rusłan Čarniecki znajšoŭ sabie padpracoŭku9
Kamientary