Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?
Ich jurydyčny status nieviadomy.
Z 11 pa 17 maja prachodziać anłajn-vybary ŭ Kaardynacyjnuju radu. Na hety momant prahałasavała 838 čałaviek.
Telehram-kanał, źviazany ź siłavikami, apublikavaŭ dva videa na 10‑15 siekund z mužčynami, jakija, jak śćviardžajecca, hałasavali ŭ KR. Jany raskazvajuć, jak pierajšli pa spasyłcy i trapili na sajt hałasavańnia.
Jak udałosia identyfikavać «Našaj Nivie», adzin z mužčyn — 34‑hadovy Andrej Piatakoŭ ź Minska.
Druhi — 38‑hadovy Alaksandr Miedušeŭski. Mahčyma, apošnim časam jon žyŭ u Litvie.
Jak ich zatrymali (i ci zatrymali ŭvohule), jaki ŭ ich jurydyčny status — nie viadoma ničoha.
Ci hałasavali hetyja mužčyny naohuł i jak na ich vyjšli siłaviki? Taksama niezrazumieła.
Moža być realnaj lubaja situacyja.
I toje, što jany nasamreč pierajšli pa sapraŭdnaj spasyłcy hałasavańnia, ale nie ŭklučali VPN, i siłaviki zdoleli adsačyć aktyŭnaść.
I toje, što jany pierachodzili pa niejkaj fejkavaj spasyłcy, jakuju siłaviki mahli raskidvać pa čatach.
I toje, što ich zatrymali za niešta inšaje — naprykład, pry praviercy na miažy znajšli «ekstremisckija» padpiski, — ale paprasili ahučyć padrychtavany tekst pra hałasavańnie.
Siłaviki pahražali zaviadzieńniem kryminalnaj spravy za «sadziejničańnie ekstremisckaj dziejnaści» i tym, chto bałatujecca ŭ KR, i tym, chto hałasuje.
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?77
Kamientary
Vsiech nie pieriełoviat!
Protivnikov Łukašienko - vsio ravno podavlajuŝieje bolšinstvo!