Premjer Kyrhyzstana zahadaŭ čynoŭnikam chadzić bieź pinžakoŭ, kab aščadžać elektryčnaść
Kiraŭnik Kabinieta ministraŭ Kyrhyzstana Adyłbiek Kasymalijeŭ 13 maja padčas pracoŭnaj narady daručyŭ dziaržaŭnym słužboŭcam admovicca ad pinžakoŭ i prychodzić na pracu ŭ kašulach u metach ekanomii elektraenierhii, piša «Nastojaŝieje vriemia».
«My ŭsie pavinny źniać kaściumy i prychodzić u kašulach», — skazaŭ kyrhyzstanski premjer.
Kiraŭnik urada spasłaŭsia na vopyt Japonii, dzie ŭ 2005 hodzie ŭłady zapuścili kampaniju Cool Biz, jakaja praduhledžvała pamianšeńnie spažyvańnia elektraenierhii za košt abmiežavańnia vykarystańnia kandycyjanieraŭ i ŭviadzieńnia libieralnaha dres-koda.
«U Japonii byŭ taki vopyt. Letam, kali spažyvajecca šmat elektraenierhii, jany pierajšli na takuju formu. Jany pačali prychodzić na pracu ŭ kašulach biez halštukaŭ, u vyniku čaho dziaržava aščadziła miljardy jen», — zajaviŭ Adyłbiek Kasymalijeŭ.
Za apošnija piać hadoŭ spažyvańnie elektraenierhii ŭ Kyrhyzstanie pavialičyłasia bolš čym na 25% — z 15,4 miljarda kiłavat-hadzin u 2020 hodzie da 19,3 miljarda kiłavat-hadzin da kanca 2025-ha. Rost popytu apiaredžvaje tempy ŭvodu novych hienieracyjnych mahutnaściaŭ, što ŭzmacniaje nahruzku na enierhietyčnuju sistemu krainy. Śpiecpradstaŭnik prezidenta krainy pa asablivych daručeńniach Bakyt Tarabajeŭ kazaŭ, što kali biahučyja tempy rostu zachavajucca, to da 2030 hoda spažyvańnie elektraenierhii ŭ Kyrhyzstanie moža dasiahnuć 25 miljardaŭ kiłavat-hadzin.
Ciapier čytajuć
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary34
Kamientary
Hańbišča u paraŭnańni z Kirhyzstanam. Samy chitry užo nikoli nie pavieryć u toje, što prosta durniejšy za mnohich. Za premjera Kirhyzstana, prynamsi, Adyłbieka Kasymalijeva.
Ałharytm - słova nie sa Škłova, a z Charezma. Al Chareźmi.
"Nakłonitie jeho" (s) Nahladčyk mahiloŭskaj turmy, pakłońnik anhlijskaj i ruskaj moŭ, hość tavaryša Si, pahraničnik, unutrany voin u turmie, dyrektar zavoda budmateryjałaŭ u zonie, Prezident Biełarusi...
Voś sučasnyja [čorna]ruskija słovy.