Ułady Łaosa zrabili bolš strohimi praviły ŭjezdu dla zamiežnych turystaŭ. Ciapier, kab atrymać dazvoł na pajezdku, treba zahadzia paćvierdzić braniravańnie žylla na ŭvieś čas znachodžańnia ŭ krainie.
Pavodle novych patrabavańniaŭ, turystyčnyja kampanii musiać zahadzia padavać dakumienty pra miesca pražyvańnia haściej ad dnia pryjezdu i da adjezdu. Kali takoj infarmacyi niama, aformić ujezd nie atrymajecca.
Ułady Łaosa tłumačać hetyja miery žadańniem uzmacnić biaśpieku i lepš kantralavać znachodžańnie zamiežnikaŭ. Taksama ŭ krainie praciahvajuć raźvivać elektronnuju sistemu ŭliku turystaŭ i hatelaŭ, abjadnoŭvajučy ŭsie danyja ŭ adnu bazu.
Niahledziačy na novyja abmiežavańni, turyzm u Łaos praciahvaje raści. U 2025 hodzie krainu naviedali kala 4,58 miljona zamiežnych haściej — heta prykładna na 11% bolš, čym u papiarednim hodzie. Ułady spadziajucca, što novyja praviły dapamohuć lepš sačyć za turystyčnymi patokami i pavysiać biaśpieku padarožnikaŭ.
Zusim niadaŭna, z 15 studzienia hetaha hoda, biełarusam stała mahčyma jeździć u Łaos bieź vizaŭ.
Ciapier čytajuć
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy3
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było6
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW X7 ź niamieckimi numarami paškodzili aŭto ŭ Minsku4747
Kamientary