Tramp paviedamiŭ pra fantastyčnyja ździełki z Kitajem paśla sustrečy ź Si
Prezident ZŠA zajaviŭ pra «sotni miljardaŭ dalaraŭ», jakija Kitaj płanuje ŭkłaści ŭ amierykanskija kampanii, kiraŭniki jakich supravadžali jaho ŭ Piekinie.
Donald Tramp zajaviŭ, što pa vynikach jaho pieramoŭ ź lidaram KNR Si Czińpinam baki zaklučyli «fantastyčnyja handlovyja ździełki», paviedamlaje pres-puł Biełaha doma.
Paśla sustrečy sa staršynioj KNR Tramp u intervju Fox News zajaviŭ, što Kitaj maje namier ukłaści «sotni miljardaŭ dalaraŭ» u amierykanskija kampanii, kiraŭniki jakich supravadžali jaho padčas vizitu ŭ Piekin.
Jon adznačyŭ, što hrupa viadučych amierykanskich biznesmienaŭ, uklučajučy zasnavalnika Tesla Iłana Maska, vykanaŭčaha dyrektara NVIDIA Džensena Chuanha i hienieralnaha dyrektara Apple Cima Kuka, prybyła razam ź im u Kitaj, kab «vykazać pavahu» i raźvivać biznes.
«Hetyja biznesmieny tut, kab zaklučać ździełki i viartać pracoŭnyja miescy», — skazaŭ Tramp.
Amierykanski lidar dadaŭ, što zaprasiŭ ich na sustreču ź Si, choć pieršapačatkova prysutnaść biznesmienaŭ u hrafiku pieramoŭ nie praduhledžvałasia.
«Kitaj inviestuje sotni miljardaŭ dalaraŭ u tych ludziej, jakija siońnia byli ŭ hetaj zale. Mienavita tamu jany pryjechali», — zajaviŭ Tramp. «Tam byli praktyčna ŭsie najbujniejšyja biznes-lidary».
Tramp taksama paviedamiŭ, što Si pahadziŭsia zamović 200 samalotaŭ Boeing. Pavodle jaho słoŭ, padčas sustrečy baki abmiarkoŭvali handal, Iran i ekanamičnaje supracoŭnictva.
Donald Tramp paviedamiŭ, što Kitaj pahadziŭsia kuplać amierykanskuju naftu.
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny4
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii22
Kamientary