Hurt Nochy prezientavaŭ novy biełaruskamoŭny albom — u 14 trekach źmiašalisia indzi-pop, elektra-rok i rep
Šmatžanravy albom «Nadoŭha» stvaraŭsia amal dzieviać miesiacaŭ i jon całkam spradziusavany samimi muzykami — vakalistkaj i kampazitarkaj Julijaj i saŭnd-pradziusaram Pašam.
Kožny trek u albomie — asobny stan, ale razam jany składajucca ŭ celnuju historyju pra tryvohu, čakańnie, złość, piaščotu i ŭnutranaje napružańnie.
U albom uvajšli jak novyja treki, tak i raniejšyja, u tym liku duety ź Siarhiejem Leibonik Bašłykievičam («Biada») i Nastaśsiaj Rydleŭskaj («Kupalskaj nočču»).
Muzyčna albom vielmi raznastajny — zdajecca, kožny znojdzie tut choć adzin trek na svoj hust: elektronnuju adčajnuju pieśniu «Stol», rečytatyŭnuju «Biadu» ci liryčnuju «Viečar».
«Naša tvorčaść — heta sumieś tancavalnych piesień i atmaśfiernaj liryki. U nas niama žadańnia ŭpisvacca ŭ strohija žanravyja ramki», — adznačajuć muzyki.
Z 15 maja albom «Nadoŭha» dastupny na ŭsich asnoŭnych muzyčnych placoŭkach.
Kamientary
Jakaja dziŭnaja nazva - "Nochy"...