Za Jermaka ŭnieśli jašče 680 tysiač dalaraŭ zakładu. Heta zrabiŭ były hałoŭny trenier zbornaj Ukrainy
«Ja viedaju Andreja vielmi daŭno. Da taho momantu, jak jon staŭ pamočnikam prezidenta. Jon vielmi prystojny čałaviek», — skazaŭ Siarhiej Rabroŭ.
Za byłoha kiraŭnika Ofisa prezidenta Andreja Jermaka ŭnieśli jašče 30 miljonaŭ hryŭniaŭ zakładu (kala 680 tysiač dalaraŭ).
Jak paviedamlajuć «Schiemy» sa spasyłkaj na krynicy ŭ pravaachoŭnych orhanach, hety ŭniosak zrabiŭ Siarhiej Rabroŭ. Chutčej za ŭsio heta — viadomy šmathadovy futbalist kijeŭskaha «Dynama», były hałoŭny trenier nacyjanalnaj zbornaj pa futbole.
Na zvanki i paviedamleńni žurnalistaŭ toj nie adkazaŭ.
Raniej Rabroŭ raskazvaŭ, što Andrej Jarmak byŭ inicyjataram jaho viartańnia na pasadu hałoŭnaha treniera zbornaj Ukrainy.
«Ja vielmi ŭdziačny Andreju, vielmi ŭdziačny ludziam, jakija sapraŭdy dapamahali tamu, kab ja viarnuŭsia va Ukrainu», — kazaŭ Siarhiej Rabroŭ.
«Ja viedaju Andreja vielmi daŭno. Da taho momantu, jak jon staŭ pamočnikam prezidenta. Jon vielmi prystojny čałaviek. My časta razmaŭlajem. Jon byŭ inicyjataram taho, kab ja viarnuŭsia va Ukrainu i pracavaŭ sa zbornaj, ale heta było da poŭnamaštabnaj ahresii Rasii», — raskazvaŭ trenier.
Takim čynam, ahulnaja suma ŭniesienaha zakładu za Jermaka ciapier składaje kala 44,5 miljona hryŭniaŭ (kala miljona dalaraŭ) z pryznačanych 140 miljonaŭ (1,3 młn dalaraŭ). Tady byłoha kiraŭnika Ofisa prezidenta vypuściać pad zakład na volu da suda. Učora Jarmak skazaŭ u sudzie, što ŭ jaho niama takoha sumy, tamu jaho ŭziali pad aryšt.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna3
Kamientary