Minčanki zapłacili pa 100 rubloŭ, kab z raskošaj pahladzieć «Djabał nosić Prada 2». Ale ŭsiu raskošu atrymali tolki błohiery
U skandalnuju situacyju trapiŭ kinateatr Skyline Cinema.
Svaim abureńniem u Threads padzialiłasia minčanka Natalla. Jana vyrašyła pajści na zakryty pakaz novaha filma «Djabał nosić Prada 2». Kvitki, darečy, byli zusim nie biudžetnyja — pa 100 rubloŭ.
Ale ž i prahrama mierapryjemstva vyhladała davoli pryvabna: spačatku aktyŭnaści i padarunki ad sponsaraŭ, potym lekcyja na paŭtary hadziny pra styl (ad adzieńnia da makijažu), a paśla ŭžo i sam film.
Zaprasili taksama šmat błohieraŭ. I vyśvietliłasia, što dla ich prahrama inšaja.
Voś jak heta apisvaje Natalla: «Pryjechali ŭ 18.35, vielmi šmat było błohieraŭ i ludziej pa zaprašeńniach, fatahrafujucca, pjuć šampanskaje i kaktejli. Pobač sa stojkaj bara skazali, što patrebny žeton na šampanskaje. Schadzili, uziali».
Nie błohieram padaryli papkorn, škarpetki Conte, paštoŭki z kadrami filma dy pa bakale šampanskaha.
Dalej publiku zaprasili ŭ zali. Ale ŭ pieršaj — kudy adpravili błohieraŭ, jakija pryjšli biaspłatna — dla ich vystupali ź lekcyjaj i prezientacyjaj stylisty. U druhoj ža zali, kudy trapili zvyčajnyja ludzi, prosta prapanavali skačać tuju prezientacyju pa QR-kodzie.
Faktyčna aŭdytoryja sumavała paŭtary hadziny. Natalla adznačaje, što adčuvali siabie ŭsie vielmi niepryjemna: «Tak, u nas niama tysiač padpisčykaŭ, ale my kupili kvitki». Niechta navat syšoŭ, nie dačakaŭšysia pačatku filma. Hučali prapanovy padać kalektyŭnuju skarhu.
Dopis Natalli zavirusiŭsia. Kamientatary aburajucca: maŭlaŭ, atrymlivajecca, što prostyja ludzi apłacili imprezu dla błohieraŭ, ale pry hetym jašče i atrymali takoje źniavažlivaje staŭleńnie da siabie.
U chutkim časie žančyna paviedamiła, što ź joj źviazalisia pradstaŭniki kinateatra i prapanavali albo viarnuć hrošy za kvitok, abo zaprasić jaje na niejkaje inšaje mierapryjemstva. Natalla vybrała hrošy.
Publična Skyline Cinema taksama pryjšłosia vybačacca. Jany dadali, što partniory mierapryjemstva nie mieli nijakaha dačynieńnia da taho, što adbyvałasia paśla padziełu publiki pa załach.
A pra adsutnaść lekcyi ŭ druhim zali raspaviali, što tam nie atrymałasia zapuścić prezientacyju na ekranie.
Ciapier ža zaklikajuć niezadavolenych haściej da dyjałohu i prosiać patelefanavać abo napisać im na poštu — kab asabista abmierkavać uražańni.
Ale ž u kamientarach da dopisu z vybačeńniem ludzi praciahvajuć aburacca. Niechta pažartavaŭ, što paśla takoj pamyłki markietołahaŭ inšyja kinateatry mohuć niekalki miesiacaŭ nie tracić biudžet na rekłamu.
Tym časam Skyline Cinema u instahramie repościć storys błohieraŭ, jakija, kaniešnie, zastalisia ŭsim zadavolenyja — i kidajuć kamiani ŭ ludziej, jakija raskrytykavali mierapryjemstva. Heta vyklikała novuju chvalu abureńnia ŭ sacsietkach.
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary