U Łatvii zaviali kryminalnuju spravu na mužčynu, jaki abražaŭ u ciahniku ŭ Šviejcaryi ŭkrainska-biełaruskuju siamju
Słužba dziaržaŭnaj biaśpieki 17 kastryčnika raspačała kryminalny praces u dačynieńni da žychara Łatvii, jaki ŭ Šviejcaryi ździejśniŭ vusnuju ataku na biełaruska-ŭkrainskuju siamju.
Kryminalny praces raspačaty ŭ adpaviednaści z častkaj treciaj artykuła 78 Kryminalnaha zakona Łatvii: pa fakcie dziejańniaŭ, nakiravanych na raspalvańnie nacyjanalnaj i etničnaj varožaści i nianaviści suprać ukraincaŭ, źviazanych z hvałtam i pahrozami.
Razmova viadziecca pra hramadzianina Łatvii Alaksandra V., piša Delfi.lv.
Incydent adbyŭsia ŭ pačatku tydnia.
Siamja — Alena Dudnik i Habryjel Šaroŭ — z małym dziciom jechała ŭ ciahniku Interłakien — Špic (Šviejcaryja), kali ruskamoŭny mužčyna, jaki siadzieŭ pa susiedstvie, pačaŭ ahresiŭna čaplacca da ich. Jaho aburyła ŭkrainskaja mova. Alena — ukrainka, jaje muž — uradženiec Biełarusi. Alena razmaŭlała pa-ŭkrainsku. Kali mužčyna pačaŭ kidacca na paru, Alena zapisała incydent na videa.
Ruskamoŭny mužčyna łajaŭsia matam, nie saromiejučysia ŭ vyrazach. Kazaŭ: «Ja ruski čałaviek, my vas usich budziem zabivać. I ciabie, i ciabie, i ciabie», pakazvajučy palcam na siamju.
Paśla jon čaplaŭsia da Habryjela i pytaŭsia: «čamu ty nie ŭ akopie», patrabavaŭ pakazać šviejcarski pašpart i vykazvaŭ adkrytuju padtrymku rasijskaj ahresii va Ukrainie.
«My jechali ciahnikom, zajšli ŭ vahon, pastavili vazok, syn u mianie byŭ na rukach, ja pačaŭ šukać miesca, kab sieści. Paśla my sieli, žonka paprasiła mianie pa-ŭkrainsku niešta ŭziać. Jon heta pačuŭ i pačaŭ svarycca niecenzurnaj łajankaj. Žonka adrazu ŭklučyła telefon i pačała zdymać. Ja havaryŭ na «Vy», namahaŭsia jaho supakoić, pakazvaŭ jamu, što tam šmat turystaŭ, jość dzieci. Jon vybiŭ telefon z ruk u žonki, ustaŭ i ja zreahavaŭ — adšturchnuŭ jaho. Žonka ź dziciom adyšli dalej, a ja nie strymaŭsia i paru razoŭ daŭ pa šyi», — raskazvaje Habryjel.
Inšyja pasažyry dapamahli Habryjelu vyklikać palicyju. Ahresar heta zrazumieŭ i pačaŭ chavacca ŭ ciahniku. Palicyja jaho znajšła i vyvieła adtul. Paśla hety mužčyna pahražaŭ siamji i patrabavaŭ 10 000 šviejcarskich frankaŭ (kala 12 540 dalaraŭ) — albo jon napiša zajavu na Habryjela. Ciapier idzie raźbiralnictva z palicyjaj, jany čakajuć materyjał ź videakamier u ciahniku.
«Jak ja zrazumieŭ, jon napisaŭ zajavu, što ja jamu nibyta niešta fizična zrabiŭ. U ciahniku byŭ poŭny vahon, kitajskija turysty zakrylisia ŭ prybiralni ź dziećmi, tam byŭ ceły kipiš», — raskazvaje Habryjel.
-
«Zarobak startavaŭ z $440». Biełaruski raskazali, jak pracujuć i zarablajuć na Blizkim Uschodzie
-
Pradstaŭnica Akademii navuk raskryła ŭzrovień naradžalnaści ŭ Biełarusi. Jon žachliva nizki
-
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka1111
Kamientary
I nie maje sensu jaki pašpart ŭ kišeni ŭ hetych maskavitaŭ-ruskamircaŭ ci Šviejcaryi, ci Łatvii, ci inšaj krainy.
Mova - zbroja suprać impierskaha maskoŭskaha šavianizmu.