Tramp znoŭ zajaviŭ, što Ukraina moža vyjhrać u vajnie. Ale nie dumaje, što vyjhraje
Prezident ZŠA Donald Tramp znoŭ zajaviŭ, što, na jaho dumku, Ukraina ŭsio jašče maje šaniec pieramahčy ŭ vajnie z Rasijaj, choć sam jon ličyć taki vynik małavierahodnym. Pavodle jaho słoŭ, vajna — «vielmi dziŭnaja reč», i tamu nielha vyklučać nijakich scenaryjaŭ, piša The Moscow Times.
«Jany ŭsio jašče mohuć vyjhrać. Ja skazaŭ, što jany mohuć vyjhrać usio, što zaŭhodna. Vajna — vielmi dziŭnaja reč. Nie dumaju, što jany heta zrobiać, ale jany mohuć. Ja nikoli nie kazaŭ, što jany vyjhrajuć. Ja skazaŭ, što jany mohuć vyjhrać», — zajaviŭ amierykanski prezident u razmovie z žurnalistami.
Tramp adznačyŭ, što najlepšym varyjantam było b mirnaje ŭrehulavańnie kanfliktu, bo ŭ inšym vypadku «vielmi mnohija ludzi zapłociać vialikuju canu». Kali žurnalisty spytali, čamu ZŠA prosta nie damahajucca pieramohi Ukrainy, jon adkazaŭ rezka, zajaviŭšy, što jany «nie razumiejuć, pra što havorać».
Taksama Tramp raskazaŭ, što padčas apošniaj razmovy z Uładzimiram Pucinym zaklikaŭ jaho spynić napady na mirnyja abjekty va Ukrainie, ale nie staŭ raskryvać, što adkazaŭ Pucin. Na pytańnie pra ŭdary Rasii pa cyvilnych rajonach Tramp skazaŭ, što «tak, heta abmiarkoŭvałasia», ale, pavodle jaho słoŭ, «bolšaść zahinułych — heta vajskoŭcy».
Raniej, 23 vieraśnia, u svajoj sacyjalnaj sietcy Truth Social jon napisaŭ, što Ukraina z dapamohaj Jeŭropy moža viarnuć usie stračanyja terytoryi. Tramp nazvaŭ Rasiju «papiarovym tyhram» z surjoznymi ekanamičnymi prablemami i zajaviŭ, što pry padtrymcy Jeŭropy i NATA adnaŭleńnie miežaŭ Ukrainy całkam mahčymaje.
Rubia i Łaŭroŭ abmierkavali pa telefonie «kankretnyja kroki»
Zialenski nie vyklučyŭ «drenny scenaryj» samitu ŭ Budapiešcie: jak adreahuje Ukraina?
Zialenski paśla sustrečy z Trampam zajaviŭ, što Kijeŭ nie vyviedzie svaje vojski z Danbasa
Tramp zapiarečyŭ, što prymušaŭ Zialenskaha addać Rasii ŭvieś Danbas
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?1414
Kamientary