Muziej u honar uradženca Maryupala dziejničaŭ u savieckija časy, ale paśla pierabudovy i asudžeńnia asoby Ždanava jaho zakryli.
Rasijskija ŭłady akupavanaha Maryupala adkryli ŭ horadzie muziej savieckaha partyjnaha dziejača Andreja Ždanava. Jon budzie dziejničać jak filijał Muzieja abarony i błakady Leninhrada.
Vice-hubiernatar Sankt-Pieciarburha Barys Piatroŭski raskazaŭ, što muziej adkryty pa asabistym daručeńni Uładzimira Pucina. Pavodle čynoŭnika, muziej budzie spryjać «zachavańniu histaryčnaj pamiaci».
Andrej Ždanaŭ doŭhi čas kiravaŭ Leninhradskim abkamam i harkamam kampartyi, byŭ členam palitbiuro. Jon aktyŭna ŭdzielničaŭ u stalinskich represijach, padpisaŭ amal dźvie sotni rasstrelnych śpisaŭ. Jon taksama arhanizoŭvaŭ kampanii suprać viadomych litarataraŭ i dziejačaŭ kultury, siarod jakich byli Hanna Achmatava, Michaił Zoščanka i Dźmitryj Šastakovič.
U 1948 hodzie rodny horad partyjnaha funkcyjaniera Maryupal pierajmienavali ŭ Ždanaŭ, tam taksama adkryli muziej jaho pamiaci. Horad viarnuŭ svaju histaryčnuju nazvu tolki ŭ 1989 hodzie, kali fihura Ždanava padvierhnułasia publičnaj asudzie. Nieŭzabavie muziej byŭ zakryty.
Maryupal byŭ razburany i zachopleny rasijskaj armijaj u chodzie poŭnamaštabnaha ŭvarvańnia va Ukrainu. Paśla hetaha akupacyjnyja ŭłady źnieśli ŭ horadzie pomnik achviaram Haładamoru, a taksama miemaryjał abaroncam Ukrainy. Zamiest jaho ŭ horadzie ŭstalavali pomnik «Alaksandru Nieŭskamu — abaroncu ruskaj ziamli».
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary