U Nihieryi zapuścili prahramu pa pracaŭładkavańni hramadzian u Biełarusi, zaŭvažyła vydańnie Reform.news. Inicyjatyva realizujecca Nacyjanalnym dyrektaratam pa pracaŭładkavańni sumiesna ź miascovaj kampanijaj Enhanced Entrepreneurs Belarus Nig. Co. Ltd. (EBNC).
Prajekt źjaŭlajecca častkaj prahramy Fiederalnaha ministerstva pracy i zaniataści Nihieryi, nakiravanaj na stvareńnie biaśpiečnych, hodnych i doŭhaterminovych pracoŭnych miescaŭ dla nihieryjskich śpiecyjalistaŭ.
Udzieł u prahramie ŭžo apłaciŭ i ŭchvaliŭ urad štata Bienue — u pieršym etapie buduć udzielničać 39 čałaviek. Ułady rehijona spadziajucca, što takaja inicyjatyva dapamoža źmienšyć nielehalnuju mihracyju i paspryjaje ekanamičnamu raźvićciu.
Kiraŭnica Biuro pa raźvićci pradprymalnictva i dabrabytu štata Bienue Bienita Šułava zaklikała ŭdzielnikaŭ «być hodnymi pradstaŭnikami Nihieryi padčas piłotnaha etapu prajekta».
U krasaviku hetaha hoda Alaksandr Łukašenka zajaŭlaŭ, što Biełaruś hatovaja prymać na pracu ludziej z afrykanskich krain, adznačyŭšy, što možna nabirać ludziej i siemji ŭ luboj častcy śvietu i prapanoŭvać im pracu.
Raniej nihieryjskija ŚMI paviedamlali pra vypadki machlarstva, źviazanyja z pracaŭładkavańniem u Biełarusi: niekatoryja nihieryjcy atrymlivali pracoŭnyja vizy, ale paśla pryjezdu zastavalisia biez pracy i biez srodkaŭ na žyćcio.
Ciapier čytajuć
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru11
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru1
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
Kamientary
Intieriesno, nravitsia li krasaucam, ich žionam i dietiam, takije, svoi ludi ?