У Нігерыі запусцілі праграму па працаўладкаванні грамадзян у Беларусі, заўважыла выданне Reform.news. Ініцыятыва рэалізуецца Нацыянальным дырэктаратам па працаўладкаванні сумесна з мясцовай кампаніяй Enhanced Entrepreneurs Belarus Nig. Co. Ltd. (EBNC).
Праект з’яўляецца часткай праграмы Федэральнага міністэрства працы і занятасці Нігерыі, накіраванай на стварэнне бяспечных, годных і доўгатэрміновых працоўных месцаў для нігерыйскіх спецыялістаў.
Удзел у праграме ўжо аплаціў і ўхваліў урад штата Бенуэ — у першым этапе будуць удзельнічаць 39 чалавек. Улады рэгіёна спадзяюцца, што такая ініцыятыва дапаможа зменшыць нелегальную міграцыю і паспрыяе эканамічнаму развіццю.
Кіраўніца Бюро па развіцці прадпрымальніцтва і дабрабыту штата Бенуэ Беніта Шулава заклікала ўдзельнікаў «быць годнымі прадстаўнікамі Нігерыі падчас пілотнага этапу праекта».
У красавіку гэтага года Аляксандр Лукашэнка заяўляў, што Беларусь гатовая прымаць на працу людзей з афрыканскіх краін, адзначыўшы, што можна набіраць людзей і сем’і ў любой частцы свету і прапаноўваць ім працу.
Раней нігерыйскія СМІ паведамлялі пра выпадкі махлярства, звязаныя з працаўладкаваннем у Беларусі: некаторыя нігерыйцы атрымлівалі працоўныя візы, але пасля прыезду заставаліся без працы і без сродкаў на жыццё.
Цяпер чытаюць
Мінімум 314 беларусаў загінулі ва Украіне, ваюючы за Расію. Сталі вядомыя імёны. Ад вярбоўкі да смерці праходзіць у сярэднім паўгода17
Мінімум 314 беларусаў загінулі ва Украіне, ваюючы за Расію. Сталі вядомыя імёны. Ад вярбоўкі да смерці праходзіць у сярэднім паўгода
«Пераапрануўся ў амапаўца і дырыжыраваў чорнай дубінкай». Адзін з заснавальнікаў «Вольнага хору» — пра акцыі ў гандлёвых цэнтрах у 2020‑м і працу ў філармоніі ў Літве55
Каментары
Интересно, нравится ли красауцам, их жёнам и детям, такие, свои люди ?