U Minsku rasśledujuć spravu pra asabliva žorstki zamach na zabojstva. Mužčyna ŭ paryvie reŭnaści nanios svajoj žoncy 27 udaraŭ nažom, paviedamlaje Śledčy kamitet.
Siamja žyła razam 18 hadoŭ, mieła troch dziaciej, ale ŭ apošnija hady ŭ adnosinach muža i žonki ŭźnik kryzis. Mužčyna nidzie nie pracavaŭ i pastajanna padazravaŭ žonku ŭ niaviernaści. Žančyna, stomlenaja ad svarak, prapanavała jamu raźvieścisia, ale muž admoviŭsia ad hetaha i staŭ jašče bolš padazravać jaje.
U krasaviku pamiž imi zdaryŭsia čarhovy kanflikt. Žančyna pajšła adpačyvać u pakoj da dački, a muž tym časam tajemna prahledzieŭ jaje telefon i znajšoŭ pierapisku ź inšym mužčynam, što paličyŭ dokazam niaviernaści.
Vyklikaŭšy žonku da siabie, jon zakryŭ dźviery, pakazaŭ joj pierapisku, u złości šturchnuŭ jaje na łožak, a paśla, łajučysia, staŭ nanosić joj udary nažom pa šyi, hrudziach i žyvacie. Žančyna kryčała i abaraniałasia. Praź niekalki chvilin mužčyna spyniŭsia, ale žoncy nie dapamoh.
U pakoj uvajšła ich 17‑hadovaja dačka, jakaja vyklikała chutkuju dapamohu i pieraviazała maci rany. Mužčyna siadzieŭ kala akna i paliŭ, pakul nie pryjechali miedyki. Paśla taho jaho zatrymali supracoŭniki milicyi, a paciarpiełuju ŭ ciažkim stanie dastavili ŭ balnicu.
Mužčyna pryznaŭ, što chacieŭ zabić žonku, budučy ŭpeŭnieny ŭ jaje niaviernaści. Sudova-psichijatryčnaja ekśpiertyza pakazała, što jon moh uśviedamlać svaje dziejańni. Dziejańni mužčyny kvalifikavanyja jak zamach na naŭmysnaje zabojstva z asablivaj žorstkaściu. Jon uziaty pad vartu.
Žyćciu i zdaroŭju paciarpiełaj ciapier ničoha nie pahražaje.
Minhandlu vypadkova źliła dakumient, u jakim pakazała, jak i za što naličvaje premii10
Kamientary
A što, heta nie źjaŭlajecca dokazam? Kali nie, što tady źjaŭlajecca?
Heta tolki šavinisty-damastrojeŭcy mohuć ličyć zabojstva z reŭnaści "zabojstvam u stanie afiektu" i faktyčna narmalizavać prava ŭłasnaści jak na raba.
Adekvatna było b naadvarot ličyć reŭnaść abciažarvajučymi abstavinami i adrazu lapić miarzotam paru pažyćciovych.