Kampanija Hanny Siałuk Łukašenki pradała karaokie-šou kanału STB za miljon jeŭra
ZAT «Staličnaje telebačańnie» (telekanał STB) vykupiła prava na tranślacyju novaha karaokie-šou ŭ pradakšna niaviestki Łukašenki — «Muzyčnaj miedyjakampanii». Suma ŭhody skłała bolš za miljon jeŭra, piša «Biuro».
Zhodna z tendaram, jaki znajšło «Biuro», muzyčny pradakšen Hanny Łukašenki pradaŭ telekanału STV prava na tranślacyju 34 vypuskaŭ i anonsaŭ zabaŭlalnaj telepieradačy za 3,7 miljona biełaruskich rubloŭ, abo 1,07 miljona jeŭra. Košt vytvorčaści adnaho vypusku — 108,8 tysiačy rubloŭ, abo 31,5 tysiačy jeŭra.
Havorka idzie pra novuju teleprahramu — karaokie-šou «Šum Piatnicy», premjerny pakaz jakoha ŭžo zapłanavany na 10 kastryčnika na telekanale «RTR-Biełaruś». Na rolu viadoŭcy ajčynnyja teleroby zaprasili syna rasijskaha z-vykanaŭcy Aleha Hazmanava — Radzivona. Spaborničać u vakalnym majsterstvie za hrašovy pryz u telekaraokie buduć rabotniki biełaruskich dziaržpradpryjemstvaŭ.
«My adčyniajem dźviery ŭ śviet, dzie hałoŭnaje nie idealny słych, a ščyraja emocyja, dzie pieramahaje nie technika, a duša», — śćviardžaje telekanał STB.
Nahadajem, «Muzyčnaja miedyjakampanija» naležyć Pałacu respubliki Kiraŭnictva spraŭ Łukašenki (30%) i pryvatnaj kampanii «ANSŁ pradakšn» (70%). Apošniaja zapisanaja na Andreja Urubleŭskaha (95%) — adnaho z padnačalenych Dźmitryja Łukašenki. Imavierna, Urubleŭski vykonvaje ŭ «ANSŁ pradakšn» funkcyju naminalnaha ŭładalnika, kab utaić udzieł u kampanii žonki svajho patrona. Abrevijatura ANSŁ vielmi nahadvaje inicyjały žonki siaredniaha syna Łukašenki — ANna (pa-rusku) Siarhiejeŭna Łukašenka.
Akramia prasoŭvańnia praŭładnych artystaŭ i stvareńnia telešou «Muzyčnaja miedyjakampanija» na čale z Hannaj Łukašenkaj vałodaje cełaj radyjoimpieryjaj i videapradakšenam, arhanizoŭvaje haradskija śviaty, dziciačyja śviaty i vypusknyja. Hałoŭnym ža prajektam niaviestki Łukašenki stała nieaficyjnaja ahitkampanija ŭ padtrymku jejnaha śviokra — «Marafon adzinstva».
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»31
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary