Na vystupie ŭ Sočy Pucin pažartavaŭ pra drony ŭ Jeŭropie: «Ja bolš nie budu»
Padčas svajho vystupleńnia na pasiadžeńni kłuba «Vałdaj» u Sočy Uładzimir Pucin, siarod inšaha, vystupiŭ z davoli rezkaj pramovaj, źviazanaj z panikaj u Jeŭropie z-za dronaŭ nad Polščaj, Danijaj i krainami Bałtyi.
Kali ŭ kiraŭnika Kramla spytali, ci zapuskaŭ jon drony ŭ Daniju, Pucin zaśmiajaŭsia i, zrabiŭšy rukoju pahardlivy žest, adkazaŭ: «Ja bolš nie budu. Ni ŭ Francyju, ni ŭ Daniju. Kudy jašče dalatajuć? U Lisabon».
Akramia taho, jon navat paraŭnaŭ tryvohu jeŭrapiejcaŭ nakont dronaŭ z panikaj pierad NŁA: «Viedajecie, tam zabaŭlajucca ludzi, jakija kaliści zabaŭlalisia nakont NŁA. Tam stolki dzivakoŭ, jak i ŭ nas, darečy kažučy. Ničym nie adroźnivajucca, asabliva maładyja ludzi».
Pucin taksama pachvaliŭ prezidenta ZŠA Donalda Trampa za jaho namahańni pa dasiahnieńni miru. Kiraŭnik Kramla nazvaŭ sustreču na Alascy sprobaj, ale «nie bolš za toje».
Jon taksama nazvaŭ mahčymuju pastaŭku rakiet dalokaha dziejańnia va Ukrainu pamyłkaj, jakaja moža parušyć dobryja adnosiny z ZŠA, piša Bild.
Kamientary