Adrodžanyja lutavaŭki Romuł i Rem adznačyli svoj pieršy dzień naradžeńnia
12 tysiač hadoŭ tamu lutavaŭki źnikli, ale dziakujučy pracy hienietykaŭ kampanii Colossal Biosciences hety vid znoŭ ažyŭ. Hod tamu naradzilisia pieršyja dva adrodžanyja lutavaŭki — braty Romuł i Rem. 1 kastryčnika jany adznačyli svoj pieršy dzień naradžeńnia, piša People. Praź niekalki miesiacaŭ paśla ich źjaviłasia i małodšaja vaŭčyca pa mianušcy Kchalesi.
Žyvioły ciapier mocnyja i zdarovyja: kožny važyć bolš za 54 kiłahramy i štodnia źjadaje niekalki kiłahramaŭ miasa. U mieniu — alenina, jałavičyna, cełyja trusy, kostki i navat śpiecyjalnaja sublimavanaja piačonka, jakaja vykarystoŭvajecca padčas trenirovak. Romuł raźvivajecca chutčej za brata i chutka moža pierakročyć vahu ŭ 63 kiłahramy.
Lutavaŭki žyvuć u vialikim zapaviedniku płoščaj kala 2000 akraŭ, dzie za imi sočać vieterynary, supracoŭniki, kamiery i drony.
Na ich pieršy dzień naradžeńnia kampanija arhanizavała sapraŭdnaje śviata: vystupili muzyki, jakija navat napisali śpiecyjalny rok-himn u styli 1980-ch. Dla vaŭkoŭ zrabili niezvyčajny trochjarusny tort ź miasnych praduktaŭ i piačonki, azdobleny vidami hor, lesu i miesiaca.
Pa słovach hałoŭnaj daśledčycy Biet Šapira, prajekt pieraŭzyšoŭ usie čakańni: žyvioły vyhladajuć zdarovymi, aktyŭnymi i majuć pryhožuju biełuju poŭść.
Ciapier Colossal Biosciences pracuje nad viartańniem jašče adnaho vymierłaha vidu — dado. Vučonym užo ŭdałosia stvaryć pałavyja kletki ptuški, i jość nadzieja, što pieršyja adrodžanyja dado mohuć źjavicca praz 5—7 hadoŭ.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku
Kamientary
Epocha infantilnych idiotov vo vsiej krasie. A sobački choroši, choť i imiejut k tiem drievnim vołkam očień słaboje otnošienije.