12 тысяч гадоў таму лютаваўкі зніклі, але дзякуючы працы генетыкаў кампаніі Colossal Biosciences гэты від зноў ажыў. Год таму нарадзіліся першыя два адроджаныя лютаваўкі — браты Ромул і Рэм. 1 кастрычніка яны адзначылі свой першы дзень нараджэння, піша People. Праз некалькі месяцаў пасля іх з’явілася і малодшая ваўчыца па мянушцы Кхалесі.
Жывёлы цяпер моцныя і здаровыя: кожны важыць больш за 54 кілаграмы і штодня з’ядае некалькі кілаграмаў мяса. У меню — аленіна, ялавічына, цэлыя трусы, косткі і нават спецыяльная сублімаваная пячонка, якая выкарыстоўваецца падчас трэніровак. Ромул развіваецца хутчэй за брата і хутка можа перакрочыць вагу ў 63 кілаграмы.
Лютаваўкі жывуць у вялікім запаведніку плошчай каля 2000 акраў, дзе за імі сочаць ветэрынары, супрацоўнікі, камеры і дроны.
На іх першы дзень нараджэння кампанія арганізавала сапраўднае свята: выступілі музыкі, якія нават напісалі спецыяльны рок-гімн у стылі 1980-х. Для ваўкоў зрабілі незвычайны трох’ярусны торт з мясных прадуктаў і пячонкі, аздоблены відамі гор, лесу і месяца.
Па словах галоўнай даследчыцы Бет Шапіра, праект пераўзышоў усе чаканні: жывёлы выглядаюць здаровымі, актыўнымі і маюць прыгожую белую поўсць.
Цяпер Colossal Biosciences працуе над вяртаннем яшчэ аднаго вымерлага віду — дадо. Вучоным ужо ўдалося стварыць палавыя клеткі птушкі, і ёсць надзея, што першыя адроджаныя дадо могуць з’явіцца праз 5—7 гадоў.
Цяпер чытаюць
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?2
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары
Эпоха инфантильных идиотов во всей красе. А собачки хороши, хоть и имеют к тем древним волкам очень слабое отношение.