Što ź jakaściu mabilnaha internetu? Ministr sprabuje patłumačyć
Apošnim časam skarhaŭ na jakaść mabilnaha internetu stanovicca bolej. Ministr suviazi i infarmatyzacyi Kirył Zaleski patłumačyŭ, što na heta ŭpłyvaje. Ale nie ŭsie jon prablemy pryznaje.
«Kali kazać sproščana, to jakaść mabilnaj suviazi zaležyć ad dvuch hałoŭnych faktaraŭ. Pieršaje — ad prapusknoj zdolnaści sietki ŭ kankretnym punkcie. Jana zaležyć ad taho, kolki bazavych stancyj pabudavana i jak časta jany rasstaŭlenyja pa terytoryi. Druhoje — ad nahruzki na sietku. Jana zaležyć ad taho, kolki abanientaŭ i ź jakoj aktyŭnaściu padłučanyja da sietki praz kankretnuju bazavuju stancyju»,
— skazaŭ Kirył Zaleski na sieminary-naradzie ŭ Pałaty pradstaŭnikoŭ, pieradaje BiełTA.
U zvarotach ludzi skardziacca na rezkaje paharšeńnie jakaści mabilnaj suviazi ŭ kankretnych nasielenych punktach.
«Ale jak jana mahła pahoršycca? Bo nichto nie demantuje bazavyja stancyi — jany jak byli, tak i zastalisia. Heta aznačaje, što abanienty, jakija znachodziacca bližej, čym prablemnaja zona, da samoj bazavaj stancyi, stali spažyvać bolš hetaha resursu. I tamu tym, chto znachodzicca dalej, hetaha resursu pierastała chapać», — arhumientavaŭ jon.
Ministr pryvioŭ anałohiju z tym, što ŭ subotu ŭviečary ŭ vysokapaviarchovym domie na apošnich pavierchach nie chapaje haračaj vady, jakaja prosta tudy nie dachodzić.
Kab vyrašyć prablemu, treba budavać bolš bazavych stancyj i rasstaŭlać ich pa terytoryi bolš časta. Ministr zapeŭnivaje, što nad hetym pracujuć.
U 2024 hodzie apieratary sotavaj suviazi pabudavali bolš za 2,3 tysiačy bazavych stancyj, i ich ahulnaja kolkaść pieravysiła 40 tysiač. Sioleta pabudavali kala 2,1 tysiačy bazavych stancyj, i da kanca hetaha hoda ahulnaja kolkaść dasiahnie kala 45 tysiač.
Pavodle aficyjnaj statystyki, ciapier achop nasielnictva Biełarusi pasłuhami sotavaj i ruchomaj elektrasuviazi pa technałohii 4G składaje 99,6%, achop terytoryi — 94%. Pry hetym achop nasielnictva pasłuhami sotavaj suviazi pa technałohii 3G składaje 99,9%, terytoryi — 98,6%.
Ale ministr pryznaje, što chutkaść mabilnaha internetu ŭ vioskach nievysokaja.
«Možam kanstatavać i taki fakt — spažyvańnie trafiku mabilnaha internetu ŭ Biełarusi za apošnija piać hadoŭ vyrasła ŭ try razy. I štohod hety rost składaje prykładna 40%», — skazaŭ ministr.
Ciapier čytajuć
Misiju demakratyčnych siłaŭ Biełarusi va Ukrainie ŭznačaliła Volha Zazulinskaja7
Misiju demakratyčnych siłaŭ Biełarusi va Ukrainie ŭznačaliła Volha Zazulinskaja
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA66
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA6
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary
Žałujtieś dalšie, ministr pridumajet novyje objaśniałki.
Žditie načała prodaž smartfona ot Iłona Maska, pri pokupkie kotoroho kupitie požiźniennoje podklučienije k starlinku (budiet vklučieno v cienu), posłav lesom i łukašienko, i jeho krasaucau, jeśli smožietie proviezti v sasut ščaścia.
> "spažyvańnie trafiku mabilnaha internetu ŭ Biełarusi za apošnija piać hadoŭ vyrasła ŭ try razy"
Z ulikam taho, jak narod zasieŭ u tyktokach, zdajecca, pavinna było być i bolš.
Filtracyja i analiz trafika nie zajmaje 40% mahutnaściej. Takoje i navat horšaje było ŭ tyja asobnyja dni i tydni 2024-ha, kali naładžvali abstalavańnie dla błakirovak papularnych VPN.
Mohuć paharšać chutkaść "niepravieranych" złučeńniaŭ, ale nie jasna, nakolki časta takoje vykarystoŭvajecca.
Heta dakładna nie hałoŭnaja pryčyna taho, što ŭ Biełarusi, ŭ tym liku, z-za sankcyj, raźvićcio internietu adstaje pa chutkaści i pa technałohijach ad suśvietnaha.