Na «Kamunarcy» patłumačyli, čamu cukierki «Źnička» ciapier robiać niasmačnymi
Niekatoryja biełarusy skardziacca ŭ sacsietkach, što cukierki minskaj fabryki «Kamunarka» (i nie tolki) užo nie tyja. Pa ich słovach, i šakaład staŭ inšym, i načynka nie takaja smačnaja. Naprykład, adnych pakupnikoŭ nie zadavoliła jakaść «Biarozki», a inšych — «Źnički». Načalnica ŭpraŭleńnia pa jakaści «Kamunarki» Hanna Kozyr patłumačyła žurnalistam vydańnia Telegraf.news, u čym tut sprava, i raskazała, dziela čaho davodzicca mianiać recepturu tych ci inšych cukierak.
«Jeści niemahčyma»
Žurnalisty Telegraf.news sustreli niekalki skarhaŭ ad biełarusaŭ u kamientarach da videa «Kamunarki» ŭ tyktoku. Pry hetym pa datach vidać, što niezadavolenyja jakaściu prysmakaŭ niekatoryja ŭžo niekalki hadoŭ.
«Źnička» prosta ahidnaja stała», — padzialiŭsia adzin z karystalnikaŭ sacsietki.
«Źničku» i «Biarozku» navat zadarma nie vaźmu», — napisaŭ inšy.
«Ich jeści niemahčyma», — vykazaŭ mierkavańnie treci.
Pa słovach načalnicy ŭpraŭleńnia pa jakaści «Kamunarki» Hanny Kozyr, raniej, kali ŭ kramach było nie tak šmat vybaru, ich pradukcyju raskuplali ŭ razy bolš achvotna. Ciapier ža, kab utrymać spažyŭca, na fabrycy vyrablajuć cukierki «roznaha cenavaha siehmientu». A dla taho, kab zrabić ich tańniejšymi, davodzicca zamianiać adny inhredyjenty na inšyja.
Naprykład, u toj ža «Źničcy» na źmienu šakaładnaj hłazury pryjšła kandytarskaja. Mienavita heta, vierahodna, i zaŭvažyli biełarusy.
Šakaładnaja hłazura składajecca z kakava-parašku, cukru i tłuščaŭ (naprykład, aleju kakavy abo raślinnaha aleju). U jaje skład uvachodzić nie mienš za 25% ahulnaj suchoj rešty kakava-praduktaŭ, u tym liku nie mienš za 12% aleju kakavy.
U toj ža čas u kandytarskaj hłazury zamiest aleju kakavy vykarystoŭvajuć zamieńniki — łaŭrynavaha (kakosavy abo palmajadravy alej) abo niełaŭrynavaha (na asnovie rapsavaha aleju, słaniečnikavaha, sojevaha i palmavaha alejaŭ) typu, a taksama farbavalniki i aramatyzatary.
Śpiecyjalistka źviarnuła ŭvahu, što
«hetyja cukierki dla tych, chto stavić u pryjarytet canu, a nie jakaść. My starajemsia zrabić tak, kab našy prysmaki byli dastupnyja ŭsim».
«Naprykład, chto b što ni kazaŭ, ale receptura tych ža «Staličnych» nie mianiałasia z samaha pačatku, a heta 60 hadoŭ. Siudy ž uvachodzić «Čyrvony Kapturok», «Trufieli», «Minčanka» i «Ptuška», — adznačyła Hanna Kozyr.
Jana dadała, što dla tych, chto stavić na pieršaje miesca jakaść praduktu, na fabrycy jość ceły šerah cukierak z šakaładu ŭ naturalnaj hłazury. Da ich adnosiacca: «Lubimaja Alonka», «Miška na palanie», «Čyrvony Kapturok»; «Hryljaž u šakaładzie»; «Minčanka» i inšyja.
«Rejv na zavodzie». Zumiery padymajuć prodažy biełaruskich pradpryjemstvaŭ, zdymajučy virusny kantent
«Adčuj smak rodnaj movy». «Kamunarka» vypuściła cukierki «Rodnyja słovy»
U šakaładcy ad «Kamunarki» znoŭ znajšli čarviaka. Chto vinavaty?
Biełaruska znajšła ŭ cukierkach «Kamunarki» ličynki. Na fabrycy prakamientavali situacyju
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała21
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary
Oba v prošłom javlaliś členami połnosťju podkontrolnoho Sovieta Riespubliki.