Žadańnie administracyi Trampa adpravić va Ukrainu dalnabojnyja rakiety «Tamahaŭk» moža być nievykanalnym, bo ciapierašnija zapasy pryznačany dla Vajenna-marskoha fłotu ZŠA i inšych patreb, paviedamiŭ Reuters amierykanski čynoŭnik i try krynicy.
Vice-prezident ZŠA Džej Dzi Vens u niadzielu zajaviŭ, što Vašynhton razhladaje zapyt Ukrainy na atrymańnie dalnabojnych «Tamahaŭkaŭ», jakija mohuć stvarać razbureńni hłyboka na terytoryi Rasii, uklučajučy Maskvu. U sieradu ahienctva Reuters paviedamiła, što ZŠA pradastaviać Ukrainie raźviedvalnuju infarmacyju ab metach doŭhaj dasiažnaści ŭ rasijskaj enierhietycy.
Adnak amierykanski čynoŭnik i krynicy, znajomyja z padrychtoŭkaj i pastaŭkami rakiet Tomahawk, pastavili pad sumnieŭ mahčymaść pieradačy hetych kryłatych rakiet, radyus dziejańnia jakich składaje 2 500 kiłamietraŭ.
Čynoŭnik ZŠA padkreśliŭ, što deficytu hetaha «rabočaha kania» — zbroi, jakaja časta vykarystoŭvajecca vojskam dla ŭdaraŭ pa naziemnych metach, — niama, ale vykazaŭ mierkavańnie, što Ukrainie mohuć być pieradadzieny inšyja varyjanty sa źmienšanaj dalnaściu dziejańnia.
Čynoŭnik taksama skazaŭ, što ZŠA mohuć razhledzieć mahčymaść dazvolić jeŭrapiejskim sajuźnikam nabyć inšyja dalokadziejnyja vidy ŭzbrajeńnia i pieradać ich Ukrainie, ale pastaŭki Tomahawk zastajucca małavierahodnymi
Kamientary
Jesť namnoho v bolšich količiestvach, sriedstv poražienija, boleje effiektivnych i diešiovych, kotoryje proŝie primieniať, imieja hotovyje, niesuŝije płatformy v vidie F-16 i tiech žie chajmarsov s podhotovlennym piersonałom. Da, dalnosť udarov budiet ohraničiena 1000 km, no effiektivnosť namnoho vyšie i hłavnoje - DIEŠIEVLE i namnoho bystrieje, s kolos i v boj !