Śpiecpasłańnik prezidenta ZŠA zajaviŭ ab «vielizarnym prahresie» ŭ pracesie mirnaha ŭrehulavańnia paśla trochbakovych pieramoŭ Ukrainy, ZŠA i Rasii ŭ Ženievie, piša «Ukrainskaja praŭda».
«Pośpiech prezidenta Trampa ŭ zbližeńni bakoŭ hetaha kanfliktu pryvioŭ da značnaha prahresu, i my hanarymsia tym, što pad jaho kiraŭnictvam pracujem nad spynieńniem zabojstvaŭ u hetym žachlivym kanflikcie», — skazaŭ Uitkaf.
Jon dadaŭ, što «abodva baki pahadzilisia prainfarmavać svaich lidaraŭ i praciahnuć pracu nad dasiahnieńniem pahadnieńnia».
Sakratar Rady nacyjanalnaj biaśpieki i abarony Rustem Umieraŭ, jaki ŭznačalvaje ŭkrainskuju delehacyju ŭ Ženievie, raspavioŭ, što pieramovy byli skancentravanyja na praktyčnych pytańniach i miechanicy mahčymych rašeńniaŭ. Jon dadaŭ, što paśla sumiesnaj častki kamandy praciahnuli pracu ŭ hrupach pa napramkach.
U Ženievu prybyli daradcy ŭ nacbiaśpiecy Vialikabrytanii, Francyi, Hiermanii i Italii, jakija buduć mieć sustrečy z ukrainskaj i amierykanskaj kamandami.
Druhi raŭnd pieramoŭ zapłanavany siońnia na pieršuju pałovu dnia.
Pamiłavanyja 15 čałaviek, siarod jakich 13 palitviaźniaŭ15
Pamiłavanyja 15 čałaviek, siarod jakich 13 palitviaźniaŭ
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary
Jemu by markietołohom rabotať. Śvistun.