Ministr abarony ZŠA: Mužčyn u sukienkach i prajdaŭ u vojsku nie budzie. Baradatych i ź lišniaj vahoj taksama
Ministr abarony ZŠA Pit Chiehset na sustrečy z amierykanskimi hienierałami i admirałami, sklikanymi dziela hetaj nahody z usiaho śvietu, vystupiŭ z ustanovačnaj ideałahičnaj pramovaj.
«Našy vorahi nie siadziać skłaŭšy ruki. Jany arhanizujucca. Kali my chočam praduchilić vajnu, my pavinny być hatovyja ciapier. Tolki mir praź siłu, — skazaŭ Chiehset. — Volny śviet patrabuje sajuźnikaŭ, jakija buduć mieć sapraŭdnyja ŭzbrojenyja siły».
Taksama jon abjaviŭ pra vyklučeńnie z vojska «chvalavańniaŭ», «hiendarnych iluzij», «miesiacaŭ honaru» i «mužčyn u sukienkach».
«My skončyli z hetym haŭnom. […] Zanadta doŭha vojska było zapałonienaje tupymi palitykami, prymušanymi zasiarodžvacca na niapravilnych rečach. […] Zanadta doŭha my prasoŭvali kamandziraŭ z-za rasy, hiendernych kvot, ličyli, što vajskovaja i nievajskovaja technika — heta adno i toje ž», — dadaŭ jon.
Pit Chiehsiet zajaviŭ, što standarty ŭ vojsku «pavinny być adnaznačna hienderna-niejtralnyja i vysokija».
«Kali nie, to heta nie standarty, a parady, z-za jakich našy dzieci buduć hinuć, — padkreśliŭ jon. — Ad siońnia zakładajecca, što ŭsie standarty pavinny być adnolkava vysokimi ŭ kožnym padraździaleńni, — dadaŭ jon.
— Zaraz u kožnaj častcy jość toŭstyja sałdaty. Toŭstyja hienierały i admirały — vyhladaje kiepska. Ad siońnia z kožnaha pradstaŭnika vojska patrabujecca zdavać dva razy na hod testy pa fizpadrychtoŭcy. […] Kali žančyny projduć ich — vydatna, ale kali nie — to što ž, — abviaściŭ Pit Chiehset. — Bolš nie budzie barodaŭ, doŭhich vałasoŭ, my pavinny viarnucca da standartu adnarodnaha vyhladu».
Pit Chiehsiet adznačyŭ, što «ad hetaha momantu adzinaja misija novaadrodžanaha Departamienta vajny ZŠA — vieści vajnu, rychtavacca da jaje i rychtavacca da pieramohi».
«Nie budzie bolš razładaŭ, nie budzie bolš palityčnych ideałohij, nie budzie bolš śmiećcia», — padkreśliŭ pradstaŭnik amierykanskaj administracyi.
Jon zajaviŭ, što źmieny ŭ vojsku buduć nie tamu, što ZŠA žadajuć vajny, a tamu što ŭ im lubiać mir. A ŭ Bieły dom viarnuŭsia zdarovy sens.
«Kažu heta našym voraham: mir praź siłu. Dziakujučy etasu vajskoŭcaŭ my adnaŭlajem taki padychod. Jak słušna skazaŭ prezident Donald Tramp, u nas samaja mahutnaja, samaja mocnaja i najlepšaja armija na płaniecie. Nichto nie ŭ stanie nas kranać», — zajaviŭ Pit Chiehset.
Tramp zahadaŭ uvieści vojski jašče ŭ adzin amierykanski horad
ZŠA zabirajuć va Ukrainy krytyčna važnuju technałohiju baraćby z dronami
Kiraŭnik Pientahona sklikaje sotni hienierałaŭ z usiaho śvietu na ekstrannuju naradu
Mark Rute abviaściŭ pra zapusk śpiecyjalnaj prahramy NATA dla abarony ŭschodniaha fłanhu aljansu
Ciapier čytajuć
Połk Kalinoŭskaha paviedamiŭ pra hibiel troch bajcoŭ4
Kamientary
Čakaju.
Chaj zrobić hienieralski marš-kidok, chto prybiažyć za im - adabrać hienieralski pahon, na hod u šycht vypravić situacyju.