ZŠA zabirajuć va Ukrainy krytyčna važnuju technałohiju baraćby z dronami
Adrazu paśla ataki ŭkrainskich dronaŭ na rasijskija aeradromy 1 červienia administracyja Trampa pryniała rašeńnie zabrać u Kijeva važny kampanient supraćdronnaj zbroi i pieradać jaho amierykanskim siłam na Blizkim Uschodzie.
ZŠA zabirajuć u Kijeva klučavuju supraćdronnuju technałohiju — śpiecyjalnyja ŭzryvalniki, nieabchodnyja dla źniščeńnia rasijskich BPŁA. Hetyja kampanienty byli pieranakiravanyja amierykanskim VPS na Blizkim Uschodzie, pavodle infarmacyi The Wall Street Journal.
«Patreba va ŭzryvalnikach — heta «nieadkładnaja prablema, vyznačanaja ministram abarony», — havorycca ŭ paviedamleńni Pientahona.
Hety krok byŭ zrobleny paśla taho, jak prezident Tramp u sieradu zajaviŭ, što prezident Rasii Uładzimir Pucin u telefonnaj razmovie skazaŭ jamu, što Maskva budzie vymušana rašuča adreahavać na niadaŭnija napady va Ukrainie. 4 červienia Tramp zajaviŭ, što Uładzimir Pucin padčas telefonnaj razmovy pryhraziŭ «mahutnym adkazam» na hetyja ataki. Heta, pavodle jaho, «asłablaje šancy na spynieńnie vajny».
Akramia taho, ministr abarony ZŠA Pit Chiehset admoviŭsia ad udziełu ŭ pasiadžeńni NATA, pryśviečanym vajennaj dapamozie Ukrainie. Zamiest hetaha jon zasiarodžvajecca na zachodnie-cichaakijanskim rehijonie, jaki nazvaŭ «pryjarytetnym teatram dziejańniaŭ».
Krytyki ŭ Kanhresie kažuć, što ZŠA admaŭlajucca ad svaich abaviazacielstvaŭ pierad Ukrainaj.
«Admaŭlać Ukrainie tak nieabchodnuju zbroju na hetym etapie vajny — niedapuščalna. A toje, što Pientahon nie tłumačyć, čamu heta nieabchodna, vyklikaje padazreńni, što heta moža być karnym rašeńniem», — skazaŭ adzin z demakrataŭ.
Uzryvalniki pryznačany dla sistemy APKWS (Advanced Precision Kill Weapon System), jakaja vykarystoŭvajecca dla źniščeńnia rasijskich BPŁA. Raniej ich pastaŭlali Ukrainie, zaraz ža hetyja ž rakiety buduć užyvacca amierykanskimi F-15 i F-16 suprać dronaŭ u rehijonie Piersidskaha zaliva.
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary