Tramp nieanansavana pierahavaryŭ z Pucinym: Pucin skazaŭ, i vielmi rašuča, što jamu daviadziecca adkazać na ataku pa aeradromach
U telefonnaj razmovie palityki abhavaryli vajnu va Ukrainie i situacyju ŭ Iranie. Pra heta prezident ZŠA paviedamiŭ u svajoj sacsietcy Truth.
Razmova Trampa i Pucina ciahnułasia 1 hadzinu 15 chvilin.
«Ja tolki što skončyŭ telefonnuju razmovu z prezidentam Rasii Uładzimiram Pucinym. Razmova praciahvałasia prykładna hadzinu i 15 chvilin. My abmierkavali napad Ukrainy na rasijskija samaloty, jakija znachodziacca na aeradromach, a taksama roznyja inšyja napady, jakija ździajśnialisia abodvuma bakami.
Heta była dobraja razmova, ale nie taja, jakaja pryviadzie da nieadkładnaha miru. Prezident Pucin sapraŭdy zajaviŭ, i vielmi rašuča, što jamu daviadziecca adreahavać na niadaŭni napad na aeradromy. My taksama abmierkavali Iran i toj fakt, što čas dla pryniaćcia Iranam rašeńnia, što datyčycca jadziernaj zbroi, minaje, i jano pavinna być pryniata chutka!
Ja zajaviŭ prezidentu Pucinu, što ŭ Irana nie moža być jadziernaj zbroi, i ŭ hetym, ja miarkuju, my pryjšli da zhody. Prezident Pucin vykazaŭ zdahadku, što jon voźmie ŭdzieł u dyskusijach ź Iranam i što jon, mahčyma, moh by być karysny ŭ bolš chutkim zaviaršeńni hetaha pracesu. Ja liču, što Iran marudzić z pryniaćciem rašeńnia pa hetym vielmi važnym pytańni, i nam spatrebicca kančatkovy adkaz na praciahu vielmi karotkaha pieryjadu času!» — napisaŭ Tramp.
Na niekalki chvilin jon vydaliŭ svoj post, ale potym viarnuŭ nazad bieź źmien u tekście.
Ciapier čytajuć
Učora Minsk znoŭ zatapiła. Čamu stalica nie hatovaja da daždžoŭ?2
Kamientary
vidavočna čamu!