«U cełym vodhuki stanoŭčyja». U Minharvykankamie raskazali pra vyniki zabarony smartfonaŭ u škołach
«Kali być ščyrym, to heta nieabchodnaść vyklikana šmatlikimi zvarotami ŭ pieršuju čarhu baćkoŭ i piedahohaŭ, — zajaviŭ namieśnik staršyni Minharvykankama Andrej Stryhielski.
Navošta ŭ škołach uviali zabaronu na vykarystańnie mabilnych telefonaŭ, raskazaŭ na «Radyjo-Minsk» namieśnik staršyni Minharvykankama Andrej Stryhielski, pišuć Minsk-naviny.
— Da abmiežavańnia vykarystańnia mabilnych pryład u škołach išli daŭno. Kali być ščyrym, to heta nieabchodnaść vyklikana šmatlikimi zvarotami ŭ pieršuju čarhu baćkoŭ i piedahohaŭ,— źviarnuŭ uvahu A. Stryhielski.
— My ŭbačyli niehatyŭny ŭpłyŭ mabilnych pryład na jakaść adukacyi. U dziaciej adciahvałasia ŭvaha, jana vykarystoŭvali telefony dla zabaŭ. Nastaŭniku davodziłasia tracić čas na toje, kab heta abmiežavać na ŭroku. Niedzie hadžety z dostupam u internet vykarystoŭvalisia jak šparhałki, mahčymaść śpisać. Z hetaj situacyjaj mirycca było nielha.
Namieśnik staršyni Minharvykankama dadaŭ, što pryjšło razumieńnie — ź ciaham času moža surjozna pahoršycca jakaść adukacyi.
— U dziaciej paharšajecca zdaroŭje: u mabilnych pryład mocny ŭpłyŭ na orhany zroku. Było pryniata rašeńnie ab ich abmiežavańni. Prajšło ŭžo bolš za miesiac, jak u škołach była ŭviedziena zabarona na vykarystańnie smartfonaŭ.
Manitorynh, jaki pravodzić kamitet pa adukacyi, pakazvaje: u cełym baćki, vučni i piedahohi pra navacyju adklikajucca stanoŭča.
Surazmoŭca taksama adznačyŭ, što jość asobnyja niezadavolenyja siarod darosłych, ale mamam i tatam treba zrazumieć, što jakaść adukacyi naŭprost zaležyć ad namahańniaŭ, jakija prykładaje nie tolki nastaŭnik, ale i dzicia.
— Kali jość adciahvajučy faktar u vyhladzie mabilnaj pryłady, kazać pra dobraje zasvajeńnie materyjału vielmi składana. Na moj pohlad, pryniata absalutna pravilnaje rašeńnie, — padsumavaŭ A. Stryhielski.
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1616
Kamientary