Čatyrochhadovaja biełaruska sa śpisu Forbes «30 da 30» zrabiła ahlad biełaruskich straŭ i ŭ čarhovy raz skaryła instahram

Jevie Karpikaŭ nie spoŭniłasia jašče navat i piaci hadoŭ. Ale heta nie pieraškodziła dziaŭčyncy sioleta trapić u śpis Forbes samych pierśpiektyŭnych błohieraŭ. Na jaje błoh u instahramie, jaki viadzie mama, padpisana ŭžo 1,2 miljona čałaviek. U tyktoku padpisčykaŭ jašče bolš — 2,1 miljona.

Mama Jevy z rasijskaha Urału, baćka — ź biełaruskaha Iŭja. Ale paznajomilisia maładyja ludzi ŭ Dubai: baćka Astach žyŭ tam z 17 hadoŭ, a mama Anastasija prylacieła tudy pracavać u muzyčnaj škole nastaŭnicaj. Kali kachanaj treba było viarnucca na radzimu, Astach palacieŭ za joj — dva hady maładaja siamja žyła ŭ Jekaciarynburhu. Ale jak tolki biełarus atrymaŭ prapanovu znoŭ pracavać u Dubai, muž z žonkaj z radaściu viarnulisia tudy.

Pra toje, što dačku zaŭvažyŭ Forbes, baćki daviedalisia sa ŚMI. Ale ž praz heta siamja sutyknułasia i z chejtam: šmat chto paśpieŭ dadumać prybytki ŭ miljony dalaraŭ. Anastasija ž kaža, što jany samaja zvyčajnaja siamja biez pantoŭ i vił — i navat mašyna ŭ ich u kredyt. A traplańnie ŭ śpis Forbes śviedčyć tolki pra toje, što jany stvarajuć cikavy kantent.

Ščyraść i niepasrednaść Jevy zavajoŭvaje sercy. Nie prajšło i sutak, a novaje videa, u jakim junaja łedzi častujecca stravami biełaruskaj kuchni i kamientuje ich, nabrała bolš za 1,2 miljona prahladaŭ.

Adrazu joj prapanavali draniki — ich maleńkaja błohierka jeła z apietytam.

— Pieršaja strava prosta šykoŭnaja! Moža, tut bulba takaja smačnaja? Heta ja na mulcik pakinu, sa śmiatankaj.

A voś chaładnik entuzijazmu nie vyklikaŭ. Jeva zmorščyłasia, ale łyžačku źjeści pahadziłasia. Adznaku dała taktoŭnuju: «Nie majo heta».

@karpikaufamily

Jeva probujet biełorusskuju kuchniu

♬ orihinalnyj zvuk - KarpikauFamily

Biarozavy sok byŭ reabilitavany:

— Ja ž raniej piła i mnie nie spadabałasia. Moža, inšaja biaroza?

Klocki atrymali ščyry kamplimient: «Ažno za vušami traščyć». A voś z kałdunami dziaŭčynka nie zmahła vyznačycca — padabajucca jany joj ci nie, ale nastojliva skazała tatu: «Vynoś!».

Kali Jeva piła Lidski kvas, u jaje byŭ taki vyraz tvaru, što stała adrazu zrazumieła: naŭrad ci jana sama kali paprosić u baćkoŭ nabyć hety napoj.

Zatoje babka sapraŭdy skaryła fudbłohierku:

— Mmm, voś heta smačnieńka. Jašče raz ukušu! Navat słoŭ niama.

Palandvicu Jeva taksama adobryła, a palcam pichanaja kaŭbasa vyklikali pytańni:

— Čym pichanaja? Jakim palcam? Tvaim? Boža moj.

U vyniku krytykiesa pryznała, što vielmi smačna.

Biełarusy ŭ kamientaryjach pišuć dziaŭčyncy słovy zachapleńnia i zamiłoŭvajucca.

U storys mama pakazała kadry, jaki nie ŭvajšli ŭ finalnaje videa. Tam Jeva dziakuje tatu na biełaruskaj. «Uroki babuli pa biełaruskaj movie nie prajšli darma», — napisała maci.

• 14
• 4
• 4
• 6
• 0
• 1
• 1
• 4