Pa Novaj Baravoj chodzić mužčyna, jaki pastajanna mianiaje abliččy. Chto jon taki?
Žychary minskaha mikrarajona Novaja Baravaja ŭžo dobra viedajuć čałavieka, jaki staŭ miascovaj lehiendaj. U sacsietkach jaho zdymki i videa raźlatajucca jak virus: to jon u abliččy hopnika z padvarotni, to ŭ stroi šturmavika z «Zornych vojnaŭ». Akazałasia, heta — mastak Valeryj Niafiodaŭ, jaki zachapiŭsia niezvyčajnym chobi jašče siem hadoŭ tamu, piša pristalica.by.
Upieršyniu pieraapranucca mužčyna vyrašyŭ na karparatyŭ, pryjšoŭšy na jaho ŭ stroi «hopnika». Hety ekśpierymient jamu nastolki spadabaŭsia, što z časam chobi pierarasło ŭ sapraŭdny styl žyćcia. Valeryj adkryŭ dla siabie «efiekt maskaradu»: kali čałaviek nadziavaje masku ci kaścium, jon moža być bolš svabodnym, adkrytym i navat upeŭnienym.
Z taho času jon nieadnarazova źjaŭlaŭsia na viečarynkach, viasiellach i inšych padziejach u samych roznych rolach: vampira, hierojaŭ «Zornych vojnaŭ», Piatra I i inšych. Kaściumy dapamahaje stvarać žonka Vieranika, jakaja šyje najskładaniejšyja vobrazy.
Reakcyja minakoŭ časta byvaje niečakanaj: bolšaść robiać vyhlad, što ničoha niezvyčajnaha nie adbyvajecca, ale znachodziacca i tyja, chto ščyra ŭśmichajecca, robić kamplimienty ci pakazvaje «kłas». Asabliva jarka reahujuć dzieci i budaŭniki na abjektach, dzie jon časam prachodzić u kaściumie.
Śviatočnymi padziejami Niafiodaŭ nie abmiažoŭvajecca. Jon moža źjavicca ŭ kaściumie navat u banku ci na baćkoŭskim schodzie. Kalehi na pracy taksama pryvykli: kali Valeryj prychodzić biez kaściuma, pytajucca, ci ŭsio ŭ paradku.
Na siońniašni dzień u siamiejnaj «kalekcyi» Valeryja kala 50 roznych vobrazaŭ, u tym liku parnyja — razam z žonkaj. Časam jany biaruć udzieł u takich pieraŭvasableńniach i razam z synam, ale tolki tady, kali jon sam hetaha choča.
Valeryj padkreślivaje: jahonaje chobi nie maje kamiercyjnaj mety. Jon nie viadzie papularnyja błohi i nie zarablaje na svaich kaściumach. Dla jaho hałoŭnaje — emocyi, radaść i mahčymaść zrabić žyćcio jarčejšym.
«Śviet i tak poŭny šerych farbaŭ, tamu varta časam rabić žyćcio jarčejšym navat takimi sposabami», — havoryć Niafiodaŭ.
Nasielnictva Minska nie raście, ale pahladzicie, jak prybaviłasia kolkaść žycharoŭ u Novaj Baravoj i inšym pryharadzie
Žychary «Novaj Baravoj» vystupili suprać cyrka-šapito ŭ ich rajonie. Čym skončyłasia?
U Biełarusi jość čatyry vioski z nasielnictvam bolš za 20 tysiač čałaviek. Voś jany
Paŭtara dziasiatka karcin. Znojdziena samaja žyvapisnaja terasa Minska
U Novaj Baravoj budzie novy modny kvartał FOTY
Kamientary