Rasijanka, ulubionaja ŭ Maskvu, vyjšła zamuž za biełarusa praz čatyry miesiacy paśla znajomstva — i pierajechała da jaho ŭ Brest
Dla abaich adnosiny stali pieršymi va ŭsich sensach — davoli nietypovaja dla sučasnych realij historyja kachańnia.
Pra svaju historyju kachańnia rasijanka Viera Mirošnikava raspaviadaje ŭ instahramie.
Sama jana z Krasnadara, ale apošnija siem hadoŭ žyła ŭ Maskvie. Viera ličyć siabie fanatkaj Rasii — jaje kultury i historyi. Zajmajecca błohinham, fatahrafijaj i markietynham. Pa adukacyi — mastačka i vykładčyca, ale pryznajecca, što nie pracavała ni dnia ŭ hetaj śfiery, a dypłom atrymała tolki dziela baćkoŭ.
Rasła dziaŭčyna ŭ relihijnaj siamji — ź dziacinstva naviedvała baptysckuju carkvu, u 20 hadoŭ chryściłasia. Tamu mieła davoli strohija pohlady — u 27 hadoŭ Viera navat ni razu nie całavałasia.
Letaś u žniŭni jana vyjhrała kvitok u chryścijanski łahier u Breście. Kaža, što nichto ź jaje znajomych pajechać za kampaniju nie zmoh, tamu pryjšłosia vychodzić z zony kamfortu i znajomicca z novymi ludźmi.
Dziakujučy hetamu Viera i paznajomiłasia z Daniiłam. Jany razam udzielničali ŭ ranišnich abmierkavańniach Biblii. Pieršapačatkova nijakaha namioku na ramantyčnyja pačućci nie było — vyklučna siabroŭstva.
Ale, kali nadyšoŭ čas Viery źjazdžać u Rasiju, chłopiec padmieŭsia dapamahčy joj danieści rečy na čyhunku dy kupiŭ ježy ŭ darohu — a ŭžo na nastupny dzień para pačała pierapisvacca.
Potym rasijanka viarnułasia ŭ Brest na pieršaje aficyjnaje spatkańnie — hulać pa roznych muziejach horada. Adzinaje, što zasmučała dziaŭčynu ŭ abrańniku — niaŭdały čubok. Ale ŭ chutkim časie jana damahłasia jaho źmieny.
Viarnuŭšysia ŭ Maskvu, Viera pačała płakać na vakzale — zrazumieła, što źjazdžać ad Daniły było pamyłkaj. Užo na druhoje spatkańnie jana jechała z płanami znajomicca z baćkami biełarusa. Toj, darečy, krychu maładziejšy za Vieru — jamu na momant znajomstva było 25 hadoŭ.
A ŭžo na trecim spatkańni adbyłasia prapanova ruki i serca. Siastra Daniiła dapamahła ŭpryhožyć adnu z haradskich leśvic biełaj tkaninaj, pialostkami ruž dy śviečkami.
Chłopiec navat zaprasiŭ kantent-kreatara, kab taja źniała pryhožy ryłs pra zaručyny dla sacsietak Viery.
Padrychtoŭka da viasiella ŭ značnaj častcy była i relihijnaj — para sustrakałasia na razmovy z pastaram i słuchała «Biblejski partret šlubu».
U śniežni para raspaviała pra zaručany ŭ carkvie Daniiła. A voś padać dakumienty ŭ ZAHS ź pieršaj sproby nie atrymałasia — Viery pryjšłosia viartacca ŭ Maskvu pa daviedku, što jana nie maje muža.
Viasielle i viančańnie ŭ carkvie byli davoli maštabnymi — haściej było niekalki sotniaŭ. A pieršy kavałak torta atrymałasia pradać ažno za 150 dalaraŭ.
Ciapier Viera žyvie ŭ Breście, ale vielmi sumuje pa Maskvie. Kaža, što stalica Rasii była i zaŭsiody budzie horadam jaje mary.
Ci dajšła zorka «Univiera» na viasielle minčanki Lizaviety, kudy jaho klikaŭ uvieś Threads?
Kolki sioleta tracili na viasielli ŭ Biełarusi? Sabrali realnyja ličby tych, chto pabyvaŭ u ZAHSie
«Nienavidžu pied». Łukašenka zavitaŭ na viasielle. Dyk a chto ž pabraŭsia šlubam?
Kupałaŭski teatr prapanoŭvaje novuju pasłuhu: ciapier tam možna pabracca šlubam
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec17
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary