Kupałaŭski teatr prapanoŭvaje novuju pasłuhu: ciapier tam možna pabracca šlubam
Videa z takoj cyrymonii źjaviłasia ŭ instahramie Kupałaŭskaha teatra. Kolki kaštuje?
«Heta ŭnikalnaja mahčymaść pačać historyju svajoj siamji ŭ ścienach najstarejšaha teatra krainy. U stvareńni śviatočnaj atmaśfiery vam paspryjajuć pryhožy interjer, artysty i muzyčnaje supravadžeńnie arkiestra Kupałaŭskaha teatra», — paznačana ŭ paviedamleńni.
Kab syhrać viasielle, u adnym z pakojaŭ teatra pastavili dekaratyŭnuju arku, jakuju zadrapiravali biełaj tkaninaj i ŭpryhožyli lampačkami, usiudy rasstavili kvietkavyja kampazicyi. Dla haściej padrychtavali niekalki dziasiatkaŭ kresłaŭ. Śviatočna-teatralnuju atmaśfieru stvarali akciory ŭ šlachietnych kaściumach i arkiestr teatra.
Na videa, apublikavanym u instahramie teatra, možna pačuć, što ŭračystuju cyrymoniju pravodziać na ruskaj movie. Žanich pakazaŭ stylizavanaje pad daŭninu paśviedčańnie ab šlubie — u im taksama ŭsio nadrukavana pa-rusku.
«Našaj Nivie» stała viadoma, kolki ž kaštuje pabracca šlubam u Kupałaŭskim teatry. Za teatralizavanuju cyrymoniju treba zapłacić ad 1000 da 1500 rubloŭ.
Kupałaŭski teatr pakaža śpiektakli pa-za scenaj
U Kupałaŭskim užo piać hadoŭ nie mohuć znajści akcioraŭ. Što prydumali hetym razam
Volha Niafiodava pryznała, što Kupałaŭski teatr dahetul nie zmoh adnavicca
«Siadžu i razumieju, što ničoha nie razumieju». Rasijskaja aktrysa, zaprošanaja ŭ Kupałaŭski teatr, raskazała pra biełaruskamoŭny repiertuar
Kamientary
kupałaŭskaha teatru ŭ zachoplenym režymam Miensku - znachodzicca łukašenkaŭski surahat, nazvu jakoha treba abaviazkova brać u dvukośsie, albo nazyvać "tak zvanym teatram".
[Zredahavana]