«Dziaviatka» na biełaruskich aŭtamabilnych numarach: tyktok hadaje, što heta značyć
Upieršyniu źjaviłasia śviedčańnie, što ŭ Biełarusi ŭžo dajuć numary z novym rehijonam.
U tyktoku źjaviłasia videa, źniataje ŭ Maskvie, zaŭvažyŭ NewGrodno. Na im — aŭtamabil ź biełaruskimi numarami. Aŭtar rolika źviarnuŭ uvahu na niezvyčajnuju detal — ličbu 9 naprykancy dziaržnumara, jakaja abaznačaje rehijon rehistracyi.
Błohier uspryniaŭ dziaviaty rehijon jak elemient «prasunutaha ciuninhu». Numary jon nazvaŭ «mistyčnymi», a niekatoryja kamientatary navat zasumniavalisia ŭ ich lehalnaści.
«Dziaviataha rehijona ŭ Biełarusi niama», — kateharyčna zajaviŭ adzin z kamientataraŭ. Niekatoryja i ŭvohule abvinavacili aŭtamabilista ŭ padrobcy numaroŭ, zajaviŭšy, što numary na mašynie «levyja».
Ale znajšlisia i tyja, chto abaraniaŭ aŭtamabilista.
«Numary skončylisia na 7/8, voś i vydajuć na 9 — heta Minsk», — vysunuŭ svaju teoryju adzin z kamientataraŭ.
«Narmalny biełaruski numar. Je — elektryčka. U elektryčnych try ličby paśla Je, a nie čatyry. A 9 — novaja ličba minskaha rehijona», — — patłumačyŭ bolš daśviedčany karystalnik.
Pra chutkaje źjaŭleńnie mašyn na numarach z kodam rehijona 9 u biełaruskaj Dziaržaŭtainśpiekcyi kazali jašče na pačatku viasny.
Dziaviaty numar płanavali addać nie Minsku, jak vykazaŭ zdahadku adzin z kamientataraŭ, a Minskaj vobłaści. Hetaj viasnoj stalica pieršaj z rehijonaŭ Biełarusi vybrała svaje numary ź siomym indeksam, i joj addali nastupnuju ličbu — vaśmiorku. Mašyny z takim indeksam užo masava źjavilisia na vulicach Minska.
Anansujučy źjaŭleńnie numaroŭ ź dziaviatkami na darohach krainy, načalnik hałoŭnaha ŭpraŭleńnia DAI Viktar Rotčankoŭ taksama zajaviŭ, što ŭ budučyni płanujecca ŭvohule adyści ad aŭtamabilnych numaroŭ z pryviazkaj da rehijonaŭ i vykarystoŭvać inšyja.
«Jany buduć utrymlivać try ličby i čatyry litary. Moža, kazać pra heta jašče zaŭčasna, ale technična my ŭžo hatovyja da vyrabu takich numarnych znakaŭ», — tłumačyŭ hetaj viasnoj Rotčankoŭ.
Heta mašyna na videa ź dziaviatkaj na numarach stała pieršym publičnym śviedčańniem, što takija numary ŭžo robiać.
Ciapier čytajuć
«Biełarusy nahadvajuć čałavieka z tryvožnym razładam». Paet Vital Ryžkoŭ pra zvańnie seks-simvała paezii, batł z Najdzionavym, Karža i Cichanoŭskuju2020
Kamientary