«Bukiet ad Siarhieja, tort ad dziaciej i praca»: jak Śviatłana Cichanoŭskaja adznačaje svoj 43-ci dzień naradžeńnia
Siońnia, 11 vieraśnia, u Śviatłany Cichanoŭskaj dzień naradžeńnia. Joj spoŭniłasia 43 hady. Ale hety dzień jana pravodzić u pracy — udzielničaje ŭ mižnarodnaj kanfierencyi «Biełaruś i biełarusy ŭ časy hieapalityčnych niestabilnaściaŭ: hłabalnyja ŭsprymańni i ŭnutranyja realii». Tym nie mienš «Biełsat» zmoh zadać joj niekalki pytańniaŭ.
— Jak vy adznačali dzień naradžeńnia ŭ apošnija niekalki hadoŭ i jak źbirajeciesia śviatkavać siońnia?
— Naohuł, chaču skazać, što ja nie vielmi lublu śviatkavać svaje dni naradžeńnia. Mahčyma, heta prychodzić z uzrostam. Ja zaŭsiody vielmi ŭdziačnaja siabram, znajomym, jakija arhanizoŭvali hetaje śviata dla mianie. Viadoma, apošnija piać hadoŭ maja kamanda — heta maja siamja, i ja ŭvieś čas adčuvała siabie akružanaj ciapłom i kłopatam u hety dzień, jak nikoli. Tamu śviatkavali ŭ siamiejnym kole. Siarhiej ciapier znachodzicca ŭ ZŠA, to my fizična nie možam śviatkavać razam. Ale ŭžo z ranicy ja atrymała ad jaho vialiki bukiet kvietak, jakija mnie ranicaj prynieśli dzieci. Razam z tortam i padarunkami.
— Jaki tort vaš samy lubimy?
— Paŭłava.
— Chto z suśvietnych lidaraŭ vinšuje vas?
— Jość palityki, jakija vinšujuć praz sacsietki, jość, jakija indyvidualna — videapasłańniami. Naprykład, zaŭsiody vinšujuć prezident Jeŭraparłamienta Robierta Miecoła, premjer-ministr Luksiemburha Ksaŭje Bietel, staršynia Jeŭrakamisii Ursuła fon der Lajen, prezident Litvy Hitanas Naŭsieda. Usich nie zapomniš.
— Jaki lepšy padarunak vam kali-niebudź rabili?
— Voś jakaja situacyja: napeŭna mnie daryli vielmi šmat padarunkaŭ za maje 43 hady. Ale ja materyjalnyja rečy nie zapaminaju. Ščyra — nie zapaminaju. Zaŭsiody zapaminaješ, jak tabie hetaje śviata arhanizoŭvali. Spačatku heta była mama, jakaja rychtavała stoł pačastunkaŭ dla adnakłaśnikaŭ. Potym siabry va ŭniviersitecie, jakija rabili niejkija siurpryzy. Zaŭsiody emocyi ŭspaminaješ. Tamu niejki peŭny padarunak ja nie ŭspaminaju.
Uviečary Śviatłana Cichanoŭskaja źbiarecca ź siamjoj i siabrami, zadźmie śviečki na torcie i znoŭ zahadaje svajo niaźmiennaje žadańnie: vyzvaleńnie ŭsich palitviaźniaŭ i viartańnie dadomu ŭ svabodnuju Biełaruś.
-
Rasijaninu, jaki pjanym pabiŭsia z achoŭnikami minskaha mietro, vynieśli łahodny prysud
-
Łatuška pra mahčymaść vajny ŭ Biełarusi: Heta ž varjactva, nie ŭjaŭlaju, jak kramloŭskaja prapahanda budzie tłumačyć heta
-
«Da kanca hoda, spadziajusia, zmožam realizavać adnu-dźvie rečy». Babaryka — pra svoj novy prajekt i biełaruskuju movu
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»31
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary
v pamiať o dnie tierrakta v sša ?