Francyja vyrašyła pryznać Paleścinskuju dziaržavu. Izrail zajaviŭ, što heta «ŭznaharoda za teraryzm»
Francuzski prezident Emanuel Makron zajaviŭ, što Francyja aficyjna pryznaje Paleścinskuju dziaržavu ŭ vieraśni na siesii Hienieralnaj Asamblei AAN u Ńju-Jorku, piša Bi-bi-si.
«Budučy viernym svajmu histaryčnamu abaviazku pa zabieśpiačeńni spraviadlivaha i tryvałaha miru na Blizkim Uschodzie, ja pryniaŭ rašeńnie ab pryznańni Francyjaj Dziaržavy Paleścina. Ja ŭračysta abviašču pra heta na Hienieralnaj Asamblei AAN u vieraśni hetaha hoda», — napisaŭ Makron u sacyjalnaj sietcy X, prykłaŭšy da pasta list kiraŭniku Paleścinskaj aŭtanomii Machmudu Abasu.
«Nieabchodna nieadkładna ŭstalavać pieramirje, vyzvalić usich zakładnikaŭ i akazać masiravanuju humanitarnuju dapamohu nasielnictvu Hazy. Nieabchodna taksama harantavać demilitaryzacyju CHAMAS, harantavać biaśpieku i adnavić Hazu», — dadaŭ Makron.
Paleścinskija aficyjnyja asoby vitali rašeńnie Makrona, u toj čas jak premjer-ministr Izraila Bińjamin Nietańjachu zajaviŭ, što hety krok stanie «ŭznaharodaj za teraryzm» paśla napadu CHAMAS 7 kastryčnika 2023 hoda.
«Paleścinskaja dziaržava va ŭmovach, što skłalisia, stanie płacdarmam dla źniščeńnia Izraila, a nie dla mirnaha suisnavańnia ź im. Paleścincy nie imknucca da stvareńnia dziaržavy pobač ź Izrailem, jany imknucca da stvareńnia dziaržavy zamiest Izraila», — havorycca ŭ zajavie Nietańjachu.
Kiraŭnik MZS Izraila Hideon Saar nazvaŭ rašeńnie Makrona absurdnym.
Zaraz Paleścinskuju dziaržavu pryznali bolš za 140 z 193 dziaržaŭ-členaŭ AAN. Siarod ich — Rasija i Kitaj, a taksama niekalki krain Jeŭrasajuza, u tym liku Ispanija i Polšča.
ZŠA i Vialikabrytanija nie pryznali paleścinskuju dziaržavu.
Premjer-ministr Vialikabrytanii Kir Starmier zajaviŭ, što ŭ piatnicu praviadzie ekstrannyja pieramovy ź lidarami Francyi i Hiermanii, kab abmierkavać, jak «spynić zabojstvy ŭ Hazie i zabiaśpiečyć ludziej praduktami, u jakich jany tak adčajna majuć patrebu».
«My źjaŭlajemsia śviedkami humanitarnaj katastrofy», — skazaŭ Starmier.
Pa jaho słovach, dziaržaŭnaść «źjaŭlajecca nieadjemnym pravam paleścinskaha naroda», a spynieńnie ahniu ŭ Hazie «pastavić nas na šlach pryznańnia paleścinskaj dziaržavy».
Dziaržsakratar ZŠA Marka Rubia ŭ noč na piatnicu zajaviŭ, što Vašynhton adchilaje płan Makrona ab pryznańni paleścinskaj dziaržavy.
«Heta biezadkaznaje rašeńnie tolki słužyć prapahandzie CHAMAS i zryvaje mirny praces. Heta aplavucha achviaram 7 kastryčnika», — napisaŭ Rubia ŭ sacyjalnaj sietcy X.
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki23
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1515
Kamientary