Vyznačylisia ŭsie ŭdzielniki 1/4 finału kłubnaha čempijanatu śvietu pa futbole
Na KČS, što prachodzić u ZŠA, skončylisia matčy 1/8 finału i vyznačylisia pary čverćfinalistaŭ.
U 1/4 finału zhulajuć:
«Fłuminense» (Brazilija) — «Al-Chilal» (Saudaŭskaja Aravija), piatnica, 22:00 pa minskim časie:
«Pałmejras» (Brazilija) — «Čełsi» (Łondan), subota, 4-ja ranica pa minskim časie,
PSŽ (Francyja) — «Bavaryja» (Hiermanija), subota, 19:00,
«Reał» (Ispanija) — «Barusija Dortmund» (Hiermanija), subota, 22:00,
Na stadyi 1/8 finału turnir pakinuli «Inter Majami», «Inter Miłan», «Mančester Sici», «Juvientus».
***
Kłubny čempijanat śvietu pa futbole — spabornictva, u jakim biaruć udzieł pieramožcy jeŭrapiejskaj Lihi čempijonaŭ, paŭdniovaamierykanskaha Kubka Libiertadores, anałahaŭ u Paŭnočnaj Amierycy, Afrycy i Azii, a taksama niekatoryja kłuby z najlepšym rejtynham.
Upieršyniu ŭ turniry, što prachodzić u ZŠA z 14 červienia pa 13 lipienia biaruć udzieł 32 kamandy, što byli raźbityja na vosiem hrupaŭ.
Turnir prachodzić z peŭnymi ciažkaściami: śpioka, na niekatorych matčach hrupavoha turniru było mała hledačoŭ, pieryjadyčna hulni spynialisia z-za niespryjalnych umovaŭ nadvorja, naprykład, navalnicaŭ.
Ciapier čytajuć
Čaho čakaje Polšča ad Minska i ci zakryje znoŭ miažu na hetym tydni?11
Kamientary