«Nam vielmi pašancavała». 78-hadovaha eks-ministra Juryja Sivakova pryznačyli prafiesaram u Vajskovuju akademiju
Ministr unutranych spraŭ u toj čas, kali źnikli Juryj Zacharanka i Viktar Hančar, atrymaŭ novuju siniekuru.
Hienierał-lejtenant u adstaŭcy Juryj Sivakoŭ pryznačany na pasadu prafiesara cykła dziaržaŭna-pravavych dyscyplin kafiedry jurydyčnych dyscyplin fakulteta ŭnutranych vojskaŭ Vajskovaj akademii Biełarusi.
Hanarovaha kamandujučaha ŭnutranymi vojskami studentam prezientavaŭ asabista namieśnik kamandujučaha ŭnutranymi vojskami pałkoŭnik Dźmitryj Mikša.
«Majučy za plačyma 42 hady kalandarnaj słužby, na praciahu jakich ja mieŭ honar kiravać vajskoŭcami, milicyjanierami, spartsmienami, chaču nahadać vysłoŭje: «Nie tyja hady važnyja, što pražytyja, a tyja, što zapomnilisia». Zapaminajecca dasiahnieńnie najbolš značnych vynikaŭ, kali adčuvaješ najvyšejšuju maralnuju asałodu. U majoj słužbie tak było čatyry razy pa try hady, kali byŭ kamandziram roty hłybinnaj raźviedki, tankavaha bataljona i pałka, a taksama kamandujučym unutranymi vojskami MUS. Mienavita tamu ŭ mianie zaraz adčuvańnie, što ja viarnuŭsia dadomu», — skazaŭ novy vykładčyk.
«Unutranyja vojski zmahli zachavać hałoŭnaje svajo dasiahnieńnie — kamfortnaść prafiesijna-karparatyŭnych adnosin. Kali vy vałodajecie ludskaściu, a heta zdolnaść z dušoj stavicca da vybranaj spravy i da ludziej, ź jakimi hetuju spravu robicie, tady vialikija pahony i zvańni vas sami znojduć, vy zmožacie dasiahnuć lubych viaršyniaŭ», — skazaŭ Sivakoŭ, źviartajučysia da kursantaŭ.
«Liču, što nam vielmi pašancavała. Mnie spadabałasia, jak vystupaŭ tavaryš hienierał-lejtenant, jak jon razhornuta adkazvaŭ, vykarystoŭvajučy jak nahladnyja prykłady, tak i mnostva prostych i zrazumiełych mietafar, jaho styl i pastanoŭka maŭleńnia z vyraznymi łahičnymi akcentami. Ciapier ź nieciarpieńniem čakaju pačatku zaniatkaŭ», — cytuje pres-słužba Unutranych vojskaŭ pieršakurśnika Arcioma Cialihu.
78-hadovy Juryj Sivakoŭ pa pieršaj prafiesii — tankist. U Biełaruś jon papaŭ pa słužbie ŭ 1970-ja. U pieryjad łukašenkaŭskaj dyktatury jon pierajšoŭ va Unutranyja vojski i daros da ministra ŭnutranych spraŭ.
Mienavita na čas jahonaha ministravańnia prypali źniknieńni lidaraŭ apazicyi — byłoha ministra ŭnutranych spraŭ Juryja Zacharanki i byłoha kiraŭnika Centrvybarkama Viktara Hančara. Sivakova padazravali ŭ datyčnaści da hetych źniknieńniaŭ. U pryvatnaści, mienavita jahony podpis stajaŭ pad zahadam pra vydaču rasstrelnaha pistaleta ź SIZA-1.
Paśla adstaŭki z pasady ministra Sivakoŭ papracavaŭ u Administracyi prezidenta i ministram sportu. Paśla vychadu na piensiju jon siadzieŭ prarektaram u pryvatnym Minskim instytucie kiravańnia. Apošni čas, kazali ludzi ź jahonaha atačeńnia, hety adstaŭny hienierał mocna pieražyvaŭ svajo biespracoŭje, padazrajučy apału. Pryznačeńnie ŭ Akademiju śviedčyć, što apały niama.
Kamientary
U vidievšich eto mientov užie tohda povyłazili hłaza na łob ot udivlenija, naskolko roskošno živiot okružienije Łukašienko i ich včierašnij ministr vnutrieńnich dieł...