U Hłybokim pa «narodnym» artykule asudzili krajaznaŭcu i daśledčyka carkoŭnaha žyćcia
Ź siońniašniaha abnaŭleńnia śpisu asob, datyčnych da «ekstremisckaj dziejnaści», stała viadoma, što pad kryminalny pieraśled trapiŭ Pavieł Łaŭrynovič — šmathadovy daśledčyk historyi Hłyboččyny, hienieałahičnych suviaziej i carkoŭnaha žyćcia rehijona, asabliva ŭ kantekście savieckich hanieńniaŭ, piša «Chryścijanskaja vizija»
Vosieńniu 2024 hoda pravaabaroncy zhadvali jaho imia siarod zatrymanych padčas «chapuna» ŭ Hłybokim. Zhodna sa śpisam MUS, mužčynu sudzili pa art. 342 KK (arhanizacyja abo aktyŭny ŭdzieł u dziejańniach, što hruba parušajuć hramadski paradak).
Miarkujecca, što 55-hadovy Pavieł Tadevušavič atrymaŭ «chimiju».
Pavieł Łaŭrynovič viadomy supracoŭnictvam z pravasłaŭnymi parafijami Viciebščyny, udziełam u sustrečach, pryśviečanych pamiaci biełaruskich śviataroŭ — achviar savieckich represij, a taksama archiŭnaj i pošukavaj pracaj dla stvareńnia sinodykaŭ pamiaci i vydańnia materyjałaŭ pa historyi hanieńniaŭ. Jon dapamahaŭ u vyjaŭleńni imionaŭ novych mučanikaŭ u Połackaj jeparchii i dapamahaŭ u padrychtoŭcy carkoŭnych daśledčych publikacyj u Miorach i Ušačach.
Kamientary