Niabienzia nazvaŭ rasijski «miemarandum» «najlepšaj prapanovaj» dla Kijeva
Pastajanny pradstaŭnik RF u AAN Vasil Niabienzia zajaviŭ, što «miemarandum ab urehulavańni» z prapanovami adnosna spynieńnia ahniu źjaŭlajecca «najlepšaj prapanovaj» dla Kijeva. Pra heta Vasil Niabienzia zajaviŭ na pasiadžeńni Rady Biaśpieki AAN, paviedamlaje «Ukrainskaja praŭda.
«Padčas pramych rasijska-ukrainskich kantaktaŭ u Stambule my pieradali naš prajekt miemaranduma ab mirnym urehulavańni. Jon składajecca ź dźviuch častak i ŭklučaje ŭ siabie ŭmovy zaklučeńnia ŭsieabdymnaha doŭhaterminovaha miru, a taksama ŭmovy spynieńnia ahniu», — skazaŭ dypłamat.
Niabienzia zajaviŭ, što «miemarandum» zasnavany na pryncypach, zajaŭlenych kiraŭnikom Rasii Uładzimiram Pucinym u červieni 2024 hoda.
«Heta najlepšaja prapanova, jakuju Ukraina moža atrymać siońnia. Raim pryniać jaje», — skazaŭ dypłamat.
Rasijskija dziaržaŭnyja infarmacyjnyja ahienctvy viečaram 2 červienia apublikavali tekst rasijskaha «miemaranduma ab urehulavańni» z prapanovami adnosna spynieńnia ahniu.
Pucin zajaviŭ, što Rasija imkniecca da zaviaršeńnia vajny suprać Ukrainy «jak maha chutčej».
Pavodle jaho słoŭ, paśla 22 červienia rasijskaja delehacyja hatova da novaj sustrečy z ukrainskim bokam.
Ciapier čytajuć
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim77
Kamientary