Pradstaŭnik Rasii ŭ AAN: Rasija nie spynić ahoń, pakul Zachad padtrymlivaje Kijeŭ
Maskva patrabuje ad Kijeva spynić atrymańnie vajennaj dapamohi z Zachadu i spynić mabilizacyju na čas pieramirja.
Rasija ŭ pryncypovym płanie hatova razhledzieć mahčymaść ustalavańnia režymu spynieńnia ahniu, ale dla hetaha patrabuje ad Ukrainy na čas pieramirja admovicca ad vajennaj dapamohi krain Zachadu i spynić mabilizacyju ŭ krainie. Takija tezisy vykazaŭ pastajanny pradstaŭnik RF pry AAN Vasil Niabienzia, vystupajučy na pasiadžeńni Rady biaśpieki arhanizacyi ŭ piatnicu, piša Deutsche Welle.
Pavodle słoŭ pradstaŭnika RF u AAN, rasijskaja delehacyja hatova pieradać ukrainskamu boku svoj miemarandum ab mahčymym spynieńni ahniu 2 červienia ŭ Stambule. Padrabiaznaściaŭ ab dakumiencie Niabienzia nie pryvioŭ, ale zajaviŭ, što RF «nie zadavalniaje situacyja», jakaja dazvoliła b Kijevu pierahrupavacca padčas karotkaterminovaha pieramirja i «spynić abvał uschodniaha frontu».
Pry hetym pradstaŭnik Maskvy zajaviŭ, što RF choča spačatku abmierkavać z Ukrainaj «paramietry i ŭmovy» mahčymaj doŭhaterminovaj mirnaj damovy, a ŭžo potym damaŭlacca ab režymie spynieńnia ahniu.
Niabienzia taksama zajaviŭ, što stambulskija pieramovy RF i Ukrainy pavinny razhladacca jak praciah sustreč delehacyj krain u 2022 hodzie. Padčas ich RF vyłučała Kijevu, siarod inšaha, patrabavańni ab bieźjadziernym i pazabłokavym statusie Ukrainy, skaračeńni kolkaści vajskoŭcaŭ u krainie, a taksama pryznańni akupavanych i anieksavanych RF na toj momant terytoryj. Ukraina adrazu ž admoviłasia ad takoj traktoŭki novaha pieramoŭnaha pracesu.
U hetaj ža pramovie Radzie biaśpieki AAN Niabienzia abraziŭ ukrainskaha lidara Uładzimira Zialenskaha, nazvaŭšy jaho «praterminavanym prezidentam», i vystupiŭ z pahrozami Hiermanii z ulikam zajaŭ kanclera FRH Frydrycha Mierca ab vytvorčaści dalokabojnaj zbroi sumiesna z Ukrainaj.
Aficyjny pradstaŭnik RF taksama zajaviŭ, što rasijskija siły va Ukrainie «zdolnyja praciahvać i naroščvać bajavyja dziejańni stolki, kolki spatrebicca».
-
Zialenski pravioŭ kansultacyi z kamandzirami karpusoŭ i doŭha razmaŭlaŭ ź Fiodaravym. Fiodaraŭ: Dyjałoh jość, vieru, što ŭsio ŭdasca
-
Žonka zakaciła skandał, a jon usio adno pajechaŭ u akopy. Historyja biełarusa, jaki apynuŭsia na vajnie praz daŭhi i strach stracić žyllo
-
Paśla ataki pa dvuch składach Wildberries mahli paciarpieć da 15% składskich płoščaŭ kampanii
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary