Śviet77

Apublikavany poŭny tekst mirnych prapanoŭ Ukrainy, jakija Kijeŭ pradstavić na pieramovach u Stambule

Ahienctva Reuters apublikavała poŭny pierakład ukrainskaj «darožnaj karty», jakuju ŭkrainskaja delehacyja płanuje pradstavić Rasii padčas druhoha raŭndu pieramoŭ u Stambule, pryznačanaha na 2 červienia. Rasija zajaŭlaje, što taksama padrychtavała ŭłasny miemarandum, u jakim apisvaje «ŭsie aśpiekty nadziejnaha pieraadoleńnia pieršapryčyn kryzisu», ale admoviłasia pieradać jaho Ukrainie zahadzia ci apublikavać u presie.

Fota: Andriy Andriyenko / Ukraine's 65th Mechanized Brigade via AP

Ukraina-Rasija: Ramki pieramoŭ

I. Asnoŭnyja pryncypy Pahadnieńnia i pieramoŭnaha pracesu

• Poŭnaje i biezumoŭnaje spynieńnie ahniu ŭ niebie, na sušy i na mory jak nieabchodny fon i pieradumova dla mirnych pieramoŭ.

• Miery pa ŭmacavańni davieru — vyrašeńnie humanitarnych pytańniaŭ: biezumoŭnaje viartańnie ŭsich departavanych i niezakonna pieramieščanych ukrainskich dziaciej. Abmien usimi źniavolenymi (pavodle pryncypu «ŭsich na ŭsich»). Vyzvaleńnie Rasijaj usich cyvilnych zakładnikaŭ.

• Niepaŭtareńnie ahresii: metaj pieramoŭ źjaŭlajecca adnaŭleńnie stałaha padmurku dla tryvałaha miru i biaśpieki, a taksama zabieśpiačeńnie taho, kab ahresija nie paŭtaryłasia znoŭ.

• Harantyi biaśpieki i ŭdzieł mižnarodnaj supolnaści: Ukraina pavinna atrymać mocnyja harantyi biaśpieki. Baki zaprosiać mižnarodnuju supolnaść udzielničać u pieramovach i zabiaśpiečvać vykanańnie pahadnieńniaŭ.

• Suvierenitet: Ukraina nie abaviazana być niejtralnaj. Jana moža vybirać naležnaść da jeŭraatłantyčnaj supolnaści i imknucca da siabroŭstva ŭ ES. Siabroŭstva Ukrainy ŭ NATA zaležyć ad kansiensusu ŭnutry Aljansu. Nie dapuskajucca nijakija abmiežavańni adnosna kolkaści, raźmiaščeńnia abo inšych paramietraŭ Uzbrojenych sił Ukrainy, a taksama raźmiaščeńnia vojskaŭ družalubnych zamiežnych dziaržaŭ na terytoryi Ukrainy.

• Terytaryjalnyja pytańni: terytaryjalnyja zdabytki Rasii, zroblenyja ź lutaha 2014 hoda, nie pryznajucca mižnarodnaj supolnaściu. Linija sutyknieńnia źjaŭlajecca adpraŭnoj kropkaj dla pieramoŭ. Terytaryjalnyja pytańni abmiarkoŭvajucca tolki paśla poŭnaha i biezumoŭnaha spynieńnia ahniu.

• Sankcyi: peŭnyja sankcyi mohuć być źniatyja z Rasii, ale pastupova i paetapna, ź miechanizmam viartańnia sankcyj pry nieabchodnaści (miechanizm snapback). Zamarožanyja rasijskija suvierennyja aktyvy vykarystoŭvajucca dla adnaŭleńnia Ukrainy ci zastajucca zamarožanymi da vypłaty reparacyj.

• Vykanańnie: uzhadnić vyraznuju, zbałansavanuju i dasiahalnuju darožnuju kartu pa vykanańni i kantroli za vykanańniem pahadnieńniaŭ.

II. Nastupny krok — uzhadnieńnie spynieńnia ahniu i paradku dnia sustrečy lidaraŭ

• Paśla sustrečy ŭ Stambule baki praciahvajuć pieramovy, jakija pavinny być zasiarodžanyja na: (1) poŭnym i biezumoŭnym spynieńni ahniu: jaho ŭmovach i manitorynhu; (2) mierach pa ŭmacavańni davieru; (3) padrychtoŭcy, uzhadnieńni paradku dnia i struktury budučych pieramoŭ lidaraŭ pa klučavych temach.

• Pieramovy pravodziacca pry ŭdziele ZŠA i Jeŭropy.

III. Spynieńnie ahniu

• Poŭnaje i biezumoŭnaje spynieńnie ahniu ŭ niebie, na sušy i na mory chacia b na 30 dzion (z mahčymaściu praciahnieńnia kožnyja 30 dzion) jak nieabchodnaja pieradumova dla mirnych pieramoŭ.

• Manitorynh spynieńnia ahniu, jaki ŭznačalvajecca ZŠA i padtrymlivajecca trecimi krainami.

IV. Miery pa ŭmacavańni davieru

• Paśla paśpiachovaha abmienu vajennapałonnymi paśla pieramoŭ u Stambule, baki praciahvajuć praces abmienu vajennapałonnymi (pavodle pryncypu «ŭsich na ŭsich»).

• Pahadnieńnie ab biezumoŭnym viartańni Rasijskaj Fiederacyjaj usich departavanych i pieramieščanych ukrainskich dziaciej, a taksama vyzvaleńni Rasijaj usich cyvilnych źniavolenych. Hetyja miery pavinny ŭklučać usie katehoryi asob, pačynajučy ź lutaha 2014 hoda.

V. Sustreča lidaraŭ

• Lidary Ukrainy i Rasii sustrakajucca dla ŭzhadnieńnia klučavych aśpiektaŭ kančatkovaha mirnaha pahadnieńnia.

• Klučavyja temy mirnaha pahadnieńnia, jakija pavinny być uzhodnienyja lidarami:

  1. Pastajannaje i poŭnaje spynieńnie vajskovych dziejańniaŭ: umovy, manitorynh, sankcyi za parušeńni.

  2. Harantyi biaśpieki i niepaŭtareńnie ahresii.

  3. Terytaryjalnyja pytańni.

  4. Ekanomika, kampiensacyi, adnaŭleńnie.

  5. Pakarańnie za parušeńnie pahadnieńniaŭ.

  6. Zaklučeńnie kančatkovaha mirnaha pahadnieńnia.

Kamientary7

  • jany nie źbirajucca mirycca
    02.06.2025
    Hetyja pieramovy - niešta nakštałt pieramoŭ u minsku.
  • Filipp
    02.06.2025
    Jak bačym, pakul ni pa vodnamu punktu nie supadaje z pazicyjaj Rasiei, ale ž pačatak jość, chaj dypłamaty robiać svaju spravy, a tym časam vajskovyja svaju.
  • Rusher
    02.06.2025
    Uvy nie dohovoriatsia, kak minimum Ukraina sama siebia stavit v tupik punktom pro tierritoriju 2014hoda, Rasieja užie na eto nie pojdiot, a sami oni tožie nie mohut priznať eti tieritorii potieriannymi

Ciapier čytajuć

Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»23

Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»

Usie naviny →
Usie naviny

«Da hetaha času nie vieru, što vyžyŭ». Raspovied adzinaha vyžyłaha ŭ katastrofie samalota Air India, jaki raźbiŭsia ŭ Achmiedabadzie

Chłopca, jaki ŭ Lebiedzievaj beściŭ Jeŭropu, asudzili za ŭdzieł u pratestach i ŭchileńnie ad vojska6

Łukašenka zapatrabavaŭ ad vajskoŭcaŭ vynajści cud-mašynu dla baraćby z dronami9

Rasijanie zapuścili ŭ Biełarusi dziŭny miesiendžar — rehistracyja pa numary telefona, a voś vydalicca možna tolki kali dazvolać34

Džon Kienedzi i Robiert Kienedzi zhulajuć na kłubnym čempijanacie śvietu pa futbole ŭ ZŠA. Pryčym u adnoj kamandzie

Pałavoje vyśpiavańnie robicca ŭsio bolš rańnim, a psichałahičnaja darosłaść — poźniaj. I heta prablema4

Dziciačy centr, jaki admoviŭ dziaŭčynie ŭ pracaŭładkavańni za biełaruskuju movu, ułady pravieryli i znajšli parušeńni2

U Izraili 1 zahinuŭ, 40 paranienych ad iranskaj balistyki. Pačałasia treciaja chvala ŭdaraŭ pa Iranie11

«Hety fest nie tolki dla kajfu». Arhanizatary fiestyvalu Tutaka raskazali pra sioletnija płany i pierśpiektyvy10

bolš čytanych navin
bolš łajkanych navin

Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»23

Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»

Hałoŭnaje
Usie naviny →

Zaŭvaha:

 

 

 

 

Zakryć Paviedamić