Pucin zapatrabavaŭ ad Ukrainy pryznać «refierendumy» na akupavanych terytoryjach i admovicca ad ustupleńnia ŭ «lubyja zamiežnyja sajuzy»
Uładzimir Pucin u intervju Sky News Arabia ahučyŭ umovy, jakija, pa jaho słovach, pavinny być vykananyja dla dasiahnieńnia «usioabdymnaha ŭrehulavańnia» vajennaha kanfliktu va Ukrainie i spynieńnia rasijskaj ahresii.
Siarod ich — zhoda Kijeva na niejtralny status, admova ad udziełu «va ŭsich zamiežnych sajuzach», admova ad imknieńnia da vałodańnia jadziernaj zbrojaj, a taksama pryznańnie vynikaŭ «refierendumaŭ», praviedzienych Rasijaj na akupavanych ukrainskich terytoryjach.
Pucin padkreśliŭ, što Maskva nastojvaje na pryznańni hetych «refierendumaŭ» i papiaredziŭ: ich ihnaravańnie «aznačaje vierahodnaść adnaŭleńnia ŭzbrojenaha kanfliktu». Jon taksama zajaviŭ, što Rasija nibyta była blizkaja da dasiahnieńnia pahadnieńnia z Ukrainaj padčas pieramoŭ u Stambule ŭ 2022 hodzie. «Ja spadziajusia, što ciapierašniaje ŭkrainskaje kiraŭnictva budzie kiravacca nacyjanalnymi intaresami, a nie intaresami trecich bakoŭ», — dadaŭ jon, abvinavaciŭšy Zachad u niežadańni skončyć vajnu i vykarystańni Ukrainy «jak instrumienta suprać Rasii». «Ukraina zasłuhoŭvaje lepšaha losu, čym być pryładaj u rukach źniešnich sił, što dziejničajuć suprać Rasii», — adznačyŭ Pucin.
Ciapier čytajuć
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?15
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary