Łukašenka sustreŭsia sa śpiecpasłańnikam Trampa Kitam Kiełaham
Łukašenka sustreŭsia sa śpiecpasłańnikam Trampa Kitam Kiełaham, paviedamiŭ «Puł pieršaha».
Ad amierykanskaha boku byŭ taksama Džon Koŭł, namieśnik Kiełaha. Ich aproč Łukašenki sustrakali kiraŭnik KDB Ivan Cierciel i pradstaŭnik pry AAN Valancin Rybakoŭ.
Rybakoŭ (muž Natalli Piatkievič) byŭ zaadno pierakładčykam. A voś ministra zamiežnych spraŭ Maksima Ryžankova nie paklikali.
«U paradku dnia pieramovaŭ Łukašenki i Kiełaha byli mižnarodnaja prablematyka i situacyja ŭ śviecie ŭ cełym, rehijanalnaja tematyka i biełaruska-amierykanskija adnosiny», — dadada pres-słužba Łukašenki.
Pra toje, što śpiecyjalny pradstaŭnik prezidenta ZŠA pa pytańniach Ukrainy Kit Kiełah płanuje ŭ najbližejšyja dni naviedać Biełaruś, kab sustrecca z Alaksandram Łukašenkam, paviedamiŭ u sieradu Reuters sa spasyłkaj na čatyry krynicy.
Pavodle słoŭ dźviuch krynic, dakładny paradak dnia byŭ nieviadomy, chacia Kiełah u pryvatnych razmovach nazvaŭ hetuju pajezdku krokam, jaki moža dapamahčy zapuścić praces mirnych pieramoŭ pa spynieńni vajny Rasii suprać Ukrainy.
Dziarždep ZŠA i pasolstva Biełarusi ŭ Vašynhtonie admovilisia ad kamientaroŭ. Kiełah i Bieły dom nie adkazali na zapyty pra kamientary.
Pa infarmacyi «Našaj Nivy», vizit płanavaŭsia na piatnicu, 20 červienia. Z nahody pryjezdu amierykanskaha pradstaŭnika, jak čakajecca, budzie vyzvalenaja hrupa palitviaźniaŭ.
Ciapier čytajuć
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra12
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
«Vykopvała nievialikija jamki, źbirała mutnuju daždžavuju vadu i piła jaje». Piensijanierka, jakaja dva tydni błukała pa lesie, raskazała, jak joj udałosia vyžyć22
Kamientary