Uładzimir Pucin, vystupajučy na Pieciarburhskim mižnarodnym ekanamičnym forumie 20 červienia, zajaviŭ, što ličyć usiu Ukrainu rasijskaj, i nie vyklučyŭ zachopu Sumaŭ, patłumačyŭšy heta stvareńniem «zonaŭ biaśpieki».
«Nakont abłaściej na Ukrainie, jakija my ličym svaimi. Ja ŭžo šmat razoŭ kazaŭ, što liču ruski i ŭkrainski narod adnym narodam na samaj spravie. U hetym sensie ŭsia Ukraina naša. … U nas jość takaja staradaŭniaja nie prymaŭka, nie prypavieść, a staradaŭniaje praviła: tam, dzie stupaje naha ruskaha sałdata, heta naša», — zajaviŭ Pucin.
Taksama jon dapuściŭ zachop Rasijaj Sumaŭ.
«U nas niama takoj zadačy zabrać Sumy. Ale ŭ pryncypie ja hetaha nie vyklučaju», — skazaŭ rasijski kiraŭnik.
Jon zajaviŭ, što Rasija stvaraje «zony biaśpieki» ŭzdoŭž rasiejskaj miažy praz ataki ŭkrainskich vojskaŭ. Pavodle jaho słoŭ, ciapier hłybinia «zony biaśpieki» ŭ Sumskaj vobłaści składaje 8-12 km.
«[USU] uziali, zaleźli da nas u Kurskuju vobłaść. Stracili tam 76 tysiač čałaviek. Heta katastrofa dla ich. Urešcie my ich adtul vybili. Ale jany pačali stvarać pahrozu pa ŭsioj linii sudakranańnia. Da čaho heta pryviało? U ich i tak nie chapaje asabistaha składu, a my ciapier vymušanyja stvarać zonu biaśpieki», — skazaŭ Pucin.
Pucin zajaviŭ, što «nie damahajecca kapitulacyi z boku Ukrainy»
«Vieryli ŭ Trampa-miratvorca». Udar Izraila pa Iranie zaśpieŭ Kreml źnianacku
Padčas vizitu Pucina ŭ Sankt-Pieciarburh tam adklučyli internet
Pucin nazvaŭ rasijskuju ataku na dzieviacipaviarchovik u Kijevie, padčas jakoj zahinuli 23 čałavieki, udaram pa vajennym zavodzie
Ciapier čytajuć
Milicyja schavała hałoŭnaje — mahiloŭski mańjak-lifcior užo siadzieŭ za zhvałtavańnie. Ale jaho nie pravieryli na datyčnaść da zabojstvaŭ10
Kamientary
Vajennyja parazy i «pieramohi» Maskoŭskaj 🇷🇺 imperyi (ŭłusa) :
1856 hod — paraza ad Brytanii i Francyi
1905 hod — paraza ad Japonii
1917 hod — paraza ad Niamieččyny
1920 hod — paraza ad Polščy, Finlandyi, Estonii i ŭsich Bałtyjskich dziaržavaŭ
1939 hod — paraza ad Finlandyi
1969 hod — paraza ad Kitaja
1989 hod — paraza ad Afhanistanu
1989 hod — paraza ŭ Chałodnaj vajnie
1996 hod — paraza ad Čačni
2022 hod — paraza ad Ukrainy
2024 hod — paraza ŭ Syryi
Druhuju suśvietnuju vajnu vyjhrali ZŠA/Brytanija, a tym časam aficeraŭ Stalina rasstrelvali abo adpraŭlali ŭ HUŁAHi. Miljony ludziej trapili ŭ HUŁAHi, uklučna z empercam Sałžanicynym.
Adzinyja pieramohi Maskvy zdarajucca tolki pry ŭvarvańni ŭ mienšyja krainy:
a) Vuhorščyna 1956
b) Čechasłavaččyna 1968
v) Małdova 1992
h) Hruzija 2008
Maskoŭskaja 🇷🇺 imperyja (ŭłus) BIEZ ŠANSAŬ