Cichanoŭskaja i demsiły Vieniesueły damovilisia sumiesna supraćstajać suviaziam režymaŭ Łukašenki i Madura
Temu supracy režymaŭ Alaksandra Łukašenki i Nikałasa Madura abmierkavali 20 červienia ŭ Madrydzie biełaruski demakratyčny lidar Śviatłana Cichanoŭskaja i pradstaŭniki demsił Vieniesueły, paviedamiŭ «Pozirku» hałoŭny daradca palityka Franak Viačorka.
Pavodle jaho słoŭ, u ispanskaj stalicy biełaruski demlidar sustrełasia z eks-dypłamatam Edmunda Hansalesam — kandydatam abjadnanaj apazicyi, jakoha šerah krain pryznaje pieramožcam na vybarach vieniesuelskaha prezidenta ŭ 2024 hodzie.
Udzielniki sustrečy, adznačyŭ Viačorka, damovilisia «abjadnać namahańni, kab efiektyŭna supraćstajać» suviaziam režymaŭ u Minsku i Karakasie. Jany taksama abmierkavali «mahčymyja supolnyja dziejańni na mižnarodnaj arenie», u tym liku «supracu z krainami Łacinskaj Amieryki», «šlachi cisku na dyktatarskija režymy», a taksama sposaby taho, jak «damahčysia vyzvaleńnia palitviaźniaŭ».
Kamientary