«Heta nie samy pryvabny varyjant». Što dumajuć biełarusy pra ŭviadzieńnie Hruzijaj trochhadovaha DNŽ dla ajcišnikaŭ
Dniami stała viadoma, što Hruzija maje namier uvieści DNŽ z trochhadovym terminam dla IT-śpiecyjalistaŭ. U tematyčnych čatach, dzie jość pradstaŭniki Biełarusi, žyva abmiarkoŭvajuć hetyja źmieny. Niekatoryja biełarusy kažuć, što buduć čakać hetuju mahčymaść, kab lehalizavacca ŭ krainie. U toj ža čas jość i skieptyčnyja mierkavańni z nahody hetaha zakonu, piša «Biełsat».
Adzin z karystalnikaŭ dzivicca, što ŭ hetaha zakonu faktyčna z pryvabnych bakoŭ — tolki bolš doŭhi termin DNŽ: adrazu na try hady. Pavodle ciapierašnich zakonaŭ DNŽ vydajecca ad 6 da 12 miesiacaŭ.
Druhi karystalnik adznačaje, što, na jahony pohlad, pavodle novaha zakonu budzie «paharšeńnie ŭmoŭ», bo ciapier dastatkova dla atrymańnia DNŽ «pakazać» abarot u 50 tysiačaŭ łary (bolš za 18 tysiačaŭ dalaraŭ). Zhodna z novym zakonam, hadavy dachod pavinny być nie mienšy za 25 tysiač dalaraŭ.
Što da atrymańnia DNŽ na členaŭ sia'mi, inšy karystalnik taksama vykazvaje mierkavańnie, što zaraz z hetym niama vialikaj prablemy:
«Na siońniašni dzień DNŽ robicie na siabie jak asnoŭny zajaŭnik (padstava — IP z abarotam 50 tysiač łary), atrymlivajecie kartku i na nastupny dzień možna padavać žonku, dla jaje pakiet dakumientaŭ zusim prosty», — piša karystalnik.
Krytyčna aceńvajuć hety zakonaprajekt i biełarusy, jakija nie tak daŭno źmianili miesca žycharstva z Hruzii na krainy Jeŭrasajuza.
«Heta nie samy pryvabny varyjant. U sumie ahułam tam DNŽ tolki na 12 hadoŭ? A što dalej? Hramadzianstva nie atrymaješ. Navošta tady? Nu, kali tolki chočacca prosta pažyć u Hruzii dla raznastajnaści», — kaža surazmoŭca «Biełsata».
Takoj mahčymaściu, padkreślivaje surazmoŭca, na žal, nie zmohuć skarystacca biełarusy, jakija zaznali pieraśled biełaruskich uładaŭ. Akramia taho, jość jašče adzin aśpiekt, jaki nielha skidvać z rachunkaŭ: vyjazdžajučy z Hruzii na vizaran (abnuleńnie vizy), nie zaŭsiody možna viarnucca nazad u krainu.
«Dla «palityčnych» i tych, chto nie moža mianiać pašpart u Biełarusi, adrazu mima. I jašče zaŭsiody visić ryzyka, što ciabie nie ŭpuściać u krainu, bo DNŽ, jak pakazvaje praktyka, nie harantyja», — kaža surazmoŭca.
Sapraŭdy, užo było niekalki vypadkaŭ, kali biełarusy paśla karotkačasovaha vyjezdu z krainy dla abnuleńnia lehalnaha terminu znachodžańnia (vizaranu) sutykalisia z tym, što ich nie puskajuć nazad u Hruziju. Taki vypadak adbyŭsia 8 traŭnia ź biełaruskim aktyvistam Źmitrom Hrynkievičam. Zdaralisia takija vypadki i raniej, jašče ŭ 2022 i 2023 hadach.
Na dumku pravaabaroncy Ramana Kiślaka, vizaran — «heta zaŭsiody łatareja», bo hruzinskija ŭłady mohuć nie ŭpuścić paśla vyjezdu nazad. A abskardžańnie potym zajmaje hady.
Adzin z udzielnikaŭ čata ŭ Hruzii taksama vykazaŭ mierkavańnie, što ŭviadzieńnie novaha zakona moža adbyvacca na fonie žadańnia hruzinskich uładaŭ zrabić bolš strohim biaźvizavy režym dla pryjezdžych: «To-bok uviaduć hety DNŽ, a tamu skarociać biaźviz da paŭhoda ci jašče mienš».
Nasamreč hruzinskija ŭłady pakul takich namieraŭ nie vykazvali, prynamsi dla turystaŭ ź Biełarusi. U toj ža čas z 16 traŭnia byŭ pryniaty zakon, jaki ŭvodzić bolš žorstkija praviły biaźvizavaha ŭjezdu dla hramadzianaŭ 17 krain z vysokaj ryzykaj mihracyi. Biełarusi siarod ich niama. Pakul.
«Hruzija zakryvajecca». Hutarka ź biełarusam, jaki paśla vizaranu zachras u Armienii
Za piać hadoŭ abarony ŭ Hruzii paprasiła bolš za 70 biełarusaŭ, trom dziasiatkam užo admovili
Hruzinski bank admoviŭ biełaruscy ŭ praviadzieńni płaciažu. Taja vyklikała palicyju — i dabiłasia svajho
Hruzija całkam zabaraniła reekspart aŭto ŭ Rasiju i Biełaruś. Što heta aznačaje dla biełarusaŭ na praktycy?
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary