Href sprahnazavaŭ rost dalara ŭ Rasii i paraiŭ nieści hrošy ŭ banki
Na siońnia ŭsio roŭna samym dachodnym zastajecca depazit, skazaŭ kiraŭnik Śbierbanka.
Kiraŭnik Śbierbanka Hierman Href čakaje kurs dalara na ŭzroŭni 84—85 rasijskich rubloŭ [siońnia — 73 rubli] da kanca 2026 hoda i adnačasova ličyć, što samym vyhadnym układańniem hrošaj ciapier zastajucca bankaŭskija depazity, piša Moscow Times.
«Naš siońniašni prahnoz na kaniec hoda — prykładna 84—85 rubloŭ. Ale prahnoz, viadoma, nie ŭličvaje ŭsich abstavin, jakija mohuć uźniknuć», — skazaŭ Href.
Jon paraiŭ pryvatnym inviestaram raźmiaščać srodki na depazitach. Pavodle jaho słoŭ, pry ciapierašniaj situacyi samym dachodnym instrumientam na doŭhaj dystancyi zastajucca bankaŭskija ŭkłady.
«Jak ni paradaksalna, na siońnia ŭsio roŭna samym dachodnym zastajecca depazit, pry tym što staŭki źnižajucca», — skazaŭ kiraŭnik Śbierbanka.
Pavodle dadzienych CB, siaredniaja maksimalnaja staŭka pa ŭkładach u top-10 rasijskich bankaŭ u treciaj dekadzie maja skłała 12,97% hadavych. Nižej za 13% hety pakazčyk apuściŭsia ŭpieršyniu z kastryčnika 2023 hoda.
Padobnuju rekamiendacyju daŭ kiraŭnik VTB Andrej Kościn. Jon taksama ličyć, što 1 młn rubloŭ [13,6 tysiač dalaraŭ — NN] z haryzontam układańniaŭ na adzin hod ciapier lepš raźmiaścić na bankaŭskim depazicie abo ŭ karparatyŭnyja ablihacyi.
Analityki VTB dapuskajuć asłableńnie rasijskaha rubla da 80 rubloŭ za dalar da kanca hoda.
U Biełarusi dalar siońnia kaštuje 2,8169 rubla, a 100 rasijskich rubloŭ — 3,8259 rubla.
U pačatku 2026 hoda dalar kaštavaŭ 2,9047, a 100 rasijskich rubloŭ było 3,7058 biełaruskaha.
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary