Rasijskaja aerakaśmičnaja kampanija «Biuro 1440», jakaja stvaraje rasijski anałah amierykanskaj sistemy Starlink, straciła adzin z 16 svaich pieršych sieryjnych spadarožnikaŭ, vyviedzienych na arbitu 23 sakavika 2026 hoda. Pra heta śviedčać danyja servisaŭ manitorynhu kaśmičnych aparataŭ, piša «Kommiersant».
U kampanii paviedamili, što ciapier na nizkaj kalaziamnoj arbicie znachodziacca šeść ekśpierymientalnych spadarožnikaŭ sieryj «Rasśviet-1» i «Rasśviet-2», a taksama 15 aparataŭ ź pieršaj sieryjnaj partyi. Pavodle ich słoŭ, hetyja spadarožniki paśpiachova prajšli pravierku asnoŭnych sistem, vykonvajuć manieŭry i pracujuć u štatnym režymie.
U «Biuro 1440» padkreślili, što strata adnaho aparata nibyta nie paŭpłyvaje na terminy zapusku kamiercyjnaha servisu spadarožnikavaj suviazi i nie adabjecca na jakaści pasłuh.
Kampanija płanuje da 2030 hoda stvaryć hrupoŭku z 292 spadarožnikaŭ, uklučajučy reziervovyja. Prajekt realizujecca ŭ ramkach rasijskaj prahramy raźvićcia ličbavaj ekanomiki i praduhledžvaje jak dziaržaŭnaje, tak i pryvatnaje finansavańnie.
Čakajecca, što spadarožnikavy šyrokapałosny internet ad sistemy «Rasśviet» stanie dastupny dla karparatyŭnych klijentaŭ u Rasii ŭ 2027—2028 hadach.
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary